دخلت انهارده المدونه ولقيتنى بجد اهملت فيها اوى الفتره اللى فاتت بس اكيد مش بمزاجى اهمالى كان نتيجه لضغوط كتير عليا من حاجات كتير اوى والفتره اللى فاتت او الاسبوع ونص اللى فات بقيت ابن بطوطه الرحاله بس طبعا رحاله داخلى لسه مطلعش بره مصر. مشاوير وسفر واوراق ومواصلات وكلام حاجات تخلص وحاجات مش راضيه تخلص... بس اهم حاجه حصلت والحمد لله ان تعبى وسفرى اول ثماره ان والدى ربنا كتبله انه يكون من حجاج بيته السنه دى ودى اعظم هديه واحسن رد لتعبى والحمد لله...


بصيت لقيت اخر تدوينه ليا كان تاريخها بعيد اوى بس غصب عنى غصب عنى... قررت اكتب حاجه مهمه بالنسبه ليا اوى ومش عارف اذا كان دا مكانها ولا لا بس اقول انى مفتقد جداا لانسانه كان نفسى اوى تكون معايا الايام دى تحديدا . مفتقد اوى حضنها مفتقد لطبطبة ايديها ولدعاها ليا .. مفتقد لتلقائيتها ولقومتها بالليل علشان تغطينى لو الغطا وقع من عليا... مفتقدها لا ببببببببببببعد حد


كانت معايا انهارده فى الحلم وكانت بتحضنى اوى وتضحك بس ما اتكلمتش .. قومت لقيتها وحشانى اوى اوى اكتر من اى وقت تانى


الله يرحمك يا امى

3 اللى شرفونا بتعليقهم:

e_3asal يقول...

ربنا يرحمها يا حمدى ويصبرك على فراقها
ويجعلها من اهل الجنة .

والف مبروك لوالدك وعقبالك انت كمان ان شاء الله .

وكل سنة وانت طيب
وعيد سعيد

فين العيدية بتاعتى ؟؟

حمدى جعوان يقول...

متشكر اوى لمرورك يا ايمان
وكل سنه وانتى طيبه وعيد سعيد عليكى ان شاء الله

sally يقول...

الله يرحمها ان شاء الله في الجنه يا حمدى بس هى اكييد راضيه عنك "و البقااااء لله لحاله الوفاة الطارئه"....وحج مبروور لبابا و يوصل هناك بالسلامه و يرجعلنا بالف سلامه ان شاء الله...(وكل سنه وانت طيب)
....وعيد سعيد علينا يارب ...............

 
Design by Free WordPress Themes | Bloggerized by Lasantha - Premium Blogger Themes | Grants For Single Moms | تعريب وتطوير : باســـم .