12 حائرُ العقلِ والقلم


حائرُ العقلِ والقلم
تائهٌ في جناتِكِ وصحاريكِ
متأرجحٌ .... متى سألقاكِ ؟
يا حبيبةً
 ينبض القلب بعشقها ليل نهار
يا صديقة العمر و الأسفار
يا بٌنَيتى الصغيرة
اشتاق إليكِ حينما
أحكي لكِ قصص الصغار

ألا ترين   خطواتي  كم ثقلت ؟؟
وكيف ملامحي شحبت ؟؟!!
والعينُ داميةٌ تلملم من حباتِ الدمع قصيدةً
لتحكى بها كم فى حبكِ عانت  وسهرت ؟؟!!

يا صغيرتي
أُحبـــــــكِ
 بكل المعاني واللغات
 كتبتها واكتبها
أُحـبــــــكِ
صيفاً و شتاءً
 قدراً واختياراً
وعداً وقراراً
سراً و جهاراً
ليلا ونهاراً

يا مليكة الهوى
من نبع عطرك القلب ارتوى
لا تقنطِ فإن القنوط
ليس للمحبين درب
ولا مسارا
ليس لنا إلا اللقاء في سعينا
شعارا
يا شجرةَ الميلادِ بربكِ
 تكلمي
 و افتحي قلبكِ وبابكِ
 واخبريها كم أمنية ؟؟
 بلقائها
 عَلقتُها على أغصانك...!!

حبيبتى
أنا لستُُ بشاعرِِ
ولا بترتيب الكلمات أتفننُ
أنا عاشِقٌ .. وفى عشقك
حائرُ العقلِ والقلم
تائهٌ في صحاريكِ  و جناتِكِ
____________________
حمدي جعوان

4 بالامس

بالأمس ...



زارتنى فى منامى .



.
لم أرآها من قبل بهذا الجمال.





عيناها تقول شيئاً.


تكلمى ارجوكِ .




فما أحوجنى إلى كلماتك ...



ربّتت على كتفى ..




ابتسمت



إختفيت.....

9 عزيزى الثائر .... مازادعن حده ..إنقلب الى ضده

* لست الوحيد الذى يتحدث وسوف يتحدث عن ما حدث فى مصر هذا اليوم ...
جمعة تصحيح المسار....وبرغم ايمانى بالمطالب التى رفعت اليوم ...


يبدو ان كلمة ( سلميه ) التى كانت مفتاحا للنصر فى ثورتنا  سقطت من بين ايدينا او من بين ايدى بعض الثوار والمدافعين عن الثورة ...ويبدو ان الثورة قد خلقت معها 80 مليون ثائر ( على طول الخط ) ومحلل سياسى وخبير امنى اذا طلب الموقف .. واصبح الكل صاحب راى ورأيه هو الوحيد الصحيح واى راى مخالف هو خائن وعميل وجاهل ...
كلمة سلميه فى اعتقادى لا تعنى استخدام العنف والاشتباك بالايدى  والاعتداء على الاخر فحسب .. كلمة سلميه تعنى التعقل والتروى والتصرف بحكمه وانه لا يستقيم الامر اذا اجتمعت كلمة سلميه وانا اقوم بالاعتداء على الاخر فى القول ايضا لان الاعتداء بالقول والتخوين ليسوا باقل من استخدام السلاح  فى مواجهة الاخر .. هذا هو مفهومى  لكلمة سلميه ..

* انا لا اوافق على الاطلاق على اقتحام سفارة الكيان الصهيونى تحت اى مسمى وتحت اى ظرف .. حتى وان كان من اقتحموا السفاره يرفعون علم مصر وينادون بحق شهدائنا على الحدود ... ويعتبرون ان هذا نصر ... لا والله انه نصر وهمى 
الحق الذى نبحث عنه ونطالب بالحصول عليه لن ياتى الا ونحن نعيش فى دوله قوية متماسكه فى الداخل حتى نكون رمحا موجه ومصوب تجاه اعدائنا ..


* لا اوافق على الثورية الزائده عن الحد ... لانها تفقد الحق مشروعيته ....
المجلس العسكرى الحاكم الان  لنا عليه مآخذ كثيره فى ادارة امور الدوله ... ولنا ان نعارضه وننتقده فى هذا ولكن لنعلم ان للنقد والمعارضه اصول واولها الا اخون الاخر لانه فى نظرى لا اصلاح مع تخوين الطرف الاخر .... يجب ان يعلم الجميع ان الشعب المصرى قوامه الاساسى من الكتله التى يقال عنها الاغلبيه الصامته وهم اهالينا البسطاء فى  بيوتنا وفى اريافنا وقرانا .. واخشى ان تصبح كلمة ( أخدنا ايه من الثورة )  وما على شاكلتها على كل لسان ... واخشى ان يقل تعاطف الشعب مع الثوة والثوار ....


* واجب على كل مصرى مؤمن بالثورة الان ان يعمل على انجاحها وانجاحها ليس بالتظاره فقط بل بالعمل ونشر روح التحرير ... روح العدل وتقبل الاخر والمرونه فى التعامل وكل ما لمسناه فى فى ميدان التحرير ... وان يكون بداخل كل منا بجانب الروح الثورية .. بعض من الحكمه والتروى وعدم التسرع فى اصدار الاحكام والانسيا وراء اشياء تبدو فى ظاهرها مشروعه ولكن والله فيها كل ما هو سىء ويسىء لمصر ولروح التحرير .


* الضغط بالطرق السلميه والتظاهر وعرض المطالب هو اسهل الطرق للحصول على الحقوق .. ولعل 8 يوليلو خير دليل .. ولا يمكن ان نحصل على تلك الحقوق بهدم الدوله واحراجها والتشكيك فى قوتها وتعريتها اما العالم بانها لا تستطيع ان تحمى اتفاقياتها والتزاماتها الدوله .. لا احب كلمة قله مندسه ولا كلمة فلول ولا كلمة ماجورين ... العيب فينا نحن ... نعم  قمنا بثورة على النظام ونسينا ان نقوم بثوره على انفسنا .. يجب ان نعلم جميعااا ونؤمن اننا لن نتغير كدوله الا اذا تغيرنا نحن واسقطنا من داخلنا كل ما هو سىء ونضع امامنا دائما قول الله تعالى ( ان الله لا يغير قوم حتى يغيروا ما بأنفسهم )
الا ان يتحقق ذلك  ادعو الله سبحانه وتعالى ان يجنب مصر الفتن ماظهر منها ومابطن وان يحميها ويصرف عنها البلاء امين يارب العالمين


5 دعوه لمقاطعة مفسدى الذوق

لا اعتقد ان إفساد الذوق العام اقل من الافساد السياسى  .... افساد الذوق العام للشعب سواء كان فى اغنية فى فيلم فى مسرح فى افساد منظر عام او منظر جمالى ...
كل ده بيندرج تحت افساد الذوق العام للمجتمع ككل... 
متهيالى بعد ثورة عظيمه زى اللى حصلت مينفعش اننا نسمح للسفهاااء ومفسدى الذوق انهم  يتواجدوا مابينا ... ولا نسمح لمحترفى ترويج اللحم الرخيص من خلال شاشات السينما والتليفزيون ومروجى الفن الهابط والاسفاف بالوجود على الشاشات على الاطلاق ويكفى ما أفسدوه ...


حاله من الارف والاشمئزاز ( والله العظيم )  بتجيلى كل ما اشوف اعلان لفيلم او لاغنيه فى التليفزيون من عينة افلام السبكى واللى اخيرااا ناوى يغزو دور العرض بفيلمه اللى  بيتعمله اعلانات دلوقتى فى التليفزيون ....  كنت متخيل ان الناس دى بعد الثورة هيتكسفوا على دمهم  ويهدوا شوية على شعب محتاج فى الوقت ده لفن راقى يعيد للانسان المصرى كرامته وادميته .. مش مجرد اغنية هابطه على مطرب ( مع تحفظى على كلمة مطرب ) شعبى على رقاصه  بالاضافه لشوية الايحاءات والكلمات الجنسيه ( الفاجره ) ...
الفن جزء اساسى فى حياتنا وف تشكيل ثقافتنا ... ولان النظام اللى فات كان عاوز يمحو اى اثر لاى نوع من انواع الثقافه المحترمه عند الشعب .. كان هو  الراعى الاول لكل الاسفاف والفن الهابط اللى كان حوالينا فى كل مكان ...
وطبعااا انا مش ضد الحرية  ولكن انا بعتبر ان ذوق الناس مسالة امن قومى مايقلش اهميه عن الدفاع عن حدودنا .. ولا زم الفن يقوم برسالته الحقيقه فى التوعيه وبناء ثقافه محترمه تقوم عليها حضارة .. مش فن يودى فى ستين داهيه ..


علشان كدا انا بتمنى اننا كلنا نقاطع الاعمال دى والمقاطعه مش مجرد انى مااروحش اشو ف الفيلم ولا اسمع الاغنيه دى .. لا  لازم يكون فى توعيه للناس وكفايه بقى ..يدوب نلحق الجزء الصغير النضيف اللى جوا الشعب ونقدمله فن راقى يرجعه انسان ...


يمكن يكون الكلام مش مرتب ولا منمق بس والله طالع من قلبى .. ونفسى اعمل قايمه سوداا بكل اللى بيسموا نفسهم فنانين وهما مجرد مفسدين لذوق الشعب ...

4 اخر رسمتين ...مع انه مش وقت رسم

السلام عليكم
 بقالى كتيير مدخلتش المدونه ولو دخلتها مش بنزل حاجه جديده 
هو كسل شوية وافكار مشتته شوية و ......... شوية .. كدا يعنى :)
دول رسمتين رسمتهم اليومين اللى فاتوا وحبيت يكون ليهم مكان فى المدونه



0 اخر رسمتين ...مع انه مش وقت رسم

السلام عليكم
 بقالى كتيير مدخلتش المدونه ولو دخلتها مش بنزل حاجه جديده 
هو كسل شوية وافكار مشتته شوية و ......... شوية .. كدا يعنى :)
دول رسمتين رسمتهم اليومين اللى فاتوا وحبيت يكون ليهم مكان فى المدونه



8 رمضان كريم

كل سنه وانتم طيبين جمييعااا 
وكل سنه مصر وكل الامة الاسلامية والعربيه  بخير يااارب  ورمضان كريييييم





22 راديو المدونين..... شارك

بسم الله الرحمن الرحيم

تحياتى للجميع
_______


هى فكره وزى ما العنوان بيقول ..... راديو المدونين ..
الفكره فى خيالى من فتره طويله  وهى انه يكون عندنا اذاعه على النت خاصه بالمدونين وده  اكيد اكيد هيخلق جو تانى بين المدونين وخصوصا انوالحمد لله بعد الثورة هنحتاج  حاجه اكبر من الكتابه تكون معبر عننا وعن افكارنا واكيييييييييد ابداعنا ..
 فكرتى هى ان الاذاعه الخاصه بالمدونين تكون لسانهم وقلمهم ... ويكون التدوين الصوتى هو واحد من الطرق اللى نقدر نتواصل بيها مع بعض ومع العالم بتاعنا والعالم اللى حوالينا وانا متاكد ان كلنا نمتلك افكار لا حصر لها وحاجه زى كدا هتخلى افكارنا  ابداع ملموس ومحسوس 
الاذاعه هتكون عباره عن تدوينا صوتيه  مقالات واشعار وكل ما يكتب فى المدونات .. بالاضافه ان فى مواهب كتير شوفتها فى ناس كتير من المدونين .. 
هيكون فى برامج ولقاءات كلنا هنشارك فيها ونحاول نطلعها باحسن صورة ..


انا تفقت مع شركة استضافه لعمل الراديو وفى نفس الوقت عملت اذاعه قولت تكون تجريبيه لفكرةونشوف التواصل هيكون ازاى وأد ايه الفكره هتنجح معانا 


http://doniety.listen2myradio.com/


بتمنى تفاعلكم واقتراحاتكم وياترى لو الفكره عجبتكم .. ايه ممكن كل واحد فينا يضيفوا للفكره علشان ننجحها ؟


الصفحه على الفيس بوك


ياترى معانا ... ولا معانا  ؟    :)

9 استجابة لفكرة بيت المدونين .... خدلك بريك

استجابه لفكرة بيت المدونين


الى كل المدونين .... خدولكم بريك



انا واخد بريك من كل الاخبار السياسية 
لا مباشرة حقوق سياسية ولا فتنه طائفية ولا اى حاجه فيها   ئية  
ولا سلفيين ولا مسيحيين 
ولا جرايد ولا تحليلات

ولا حب ولا شحتفه

برييييييك 



15 ياعزيزى .... كلنا فلول ...!!



فى البداية وان كنت متفق مع من يقول بان هناك قوة مضادة للثورة ولإحداث تغيير جذرى فى المجتمع .. الا اننى لا اوااافق   مطلقا فى ان كل مايحدث فى مصر من حوادث ومظاهر تمييز وماشابه هى من صنع تلك القوى ..
الشعب بالكامل مدان ..نعم الشعب المصرى بالكامل مدان ولا نتعجب ابدا فى ذلك  .. ولننظر الى انفسنا وسنتيقن من ذلك 
نعم عزيزى المواطن .. كلنا فلول .. كلنا فلول للنظام السابق  ... اعلم اننا فى مرحلة انتقاليه مرحلة مخاض .. مرحلة مابين الطفولة والمراهقه ( كما وصفها الاستاذ ابراهيم عيسى ) وهى حقا كذلك . ولكن اليس من المعقول ونحن من فجر وصنع ثورة ستكتب فى التاريخ بحروف من نور ان نقوم بثورة على انفسنا فى المقام الاول ونتخلص من كل الشوائب وكل المتناقضات التى زرعها فينا نظام المخلوع حسنى مبارك .
لغة التخوين التى كنا نُرمى بها فى عهد المخلوع اذا نادينا بالاصلاح وقامت الثورة من اجل انهاءها   الان نمارسها وبأسوا مما كان يستخدمها النظام ... 
لغة الاقصاء التى برعت فيها اجهزة امن المخلوع والتى قامت الثورة لمحوها .. الان هناك من يخلق الرعب فى قلوب البسطاء من فصيل معين املا فى اقصاءه .
الفتنه الطائفيه .. والتى صنعها ورعاها نظام المخلوع وتلاعب بعنصرى الامه كما يشاء والتى قامت الثورة من اجل المساواة فى كل شىء وتجلت كل صور المساواة فى ميدان التحرير ايام الثورة ( واقول ايام الثورة لاننى اعتبر ان ايام الثورة هى فعلا ايم ميدان التحرير  بحق )  الان يوجد بالفعل احتقان وفتنه لا احد  يعلم الى اين ستذهب  الا الله .
الاعلام ..... ارى ان ثورتنا هى ثورة اعلام فى المقام الاول...  فان شرارة قيام الثورة والمحرك الرئيسى لها كانت وسيله من وسائل الاعلام .. وليس هناك شخص يستطيع ان ينكر دور الاعلام فى تطور الاوضاع فى المنطقه بالكامل  .. واعتقد ان برامج التوك شو كان لها تاثير كبير فى المجتمع من حيث التثقيف سياسيا الى حد ما  وساعدت بشكل كبير فى خروج الناس للمطالبة بحقوقها  . وبعد الثورة كنت اتمنى وارجو ان يكون الاعلام هو المحرك الرئيسى لعملية بناء مصر ولكن للاسف بعد الثورة الاعلام اصبح ساحه للكلام والكلام وفقط (  اسقطنا النظام واقمنا دولة الكلام ) وساحه ايضا للتشكيك فى كل من يحاول ان يصنع شىء حتى وان كان  فى صالح الوطن ... واستضافة كل من يقول انا معترض .. معترض وفقط والاشاره لاحداث من الممكن ان نتجاهلها بغية الصالح العام ...


وفوق كل هذا المواطن المصرى الذى ثار ولم يهدا واصبحت حقوقة وان لم يأخذها فى الحال فانه مضرب ومعتصم ومتظاهر بالرغم من انه كان غارقا فى بحر الصبر والان لا يطيق قطرة صبر  ولاكل يقول انا لست فئويا .... ومن يخرب فهو فلول 
لا ياعزيزى المواطن اسمحلى ان اهمس فى اذنيك مستخدما مضخم الصوت ....... عزيزى المواطن .... للاسف كلنا فلول.


هذه الكلما ت ليست من شخص متشائم .. لا والله .. ولكنها تذكرة لنا جميعا وهمسه لنا جميعا باننا مسؤولون  عن النهوض سريعا بمصر فى هذه المرحله الصعبه ...وعلينا جميعا ان نقوم بواجبنا حتى ولو بتوعية البسطاء من اهالينا وجيراننا وكل من نعرف بان القادم افضل ولكن بشىء من الصبر  




* اقتراح وهو بما ان كل واحد دلوقتى بيعمله ائتلاف .. وبما ان دولتنا دلوقتى بقت دولة كلام ف انا بقترح اننا نعمل ائتلاف كلامنجية الثورة ونضم ليه كل اللى صدعونا الايام اللى فاتت على الفضائيات . واقترحوا انتوا بقى الاسماء اللى تنضم للائتلاف ده 


-------------------------------------------------------------------
بعيدا عن الكلام اللى فوق بقى  
فى شوية كلام استحدثوا من خلال الكلامنجيه  وصراحه  مخنوق منهم على الاخر ومعتش عاوز اسمعهم 
فلول النظام -- النظام البائد -- الثورة المضاده --  فزاعه -- ثورة الشباب -- ائتلاف  --
دول اللى فاكرهم دلوقتى

5 «نهر جديد» في باطن الصحراء الغربية

المصرى اليوم نشرت  ملف خاص عن رصد لنهر جديد فى بطن الصحراء الغربيه



دا رابط النشر 

------------------------- 
فرحت  جدااا بالخبر وحمدت ربنا على نعمه التى لا تحصى  وبتمنى يكون خير على مصر ان شاء الله

17 غيبووووووبة





كان ثائرا من الطراز الاول .. معارض لا مثيل له .. شجاع بلقب أسد ( الا مع زوجتة عندما ارتضى لنفسة ان يكون نزيلا فى سجن الزوجيه ) .. فى طفولته ثار وعارض الاب .. والمدرس..  فى شبابه ثار وعارض الحاكم وحاشيته .. 
كانت له قصص وحكايات مع المعتقلات التى ربما لازمها اكثر من بيته ...  
اجبره العمر ( وجهاز امن الدوله ) على اخذ هدنه طويله مع النظام ... هو كمثل كثيرا من المصريين  ارهقته ضغوط الحياة واوجعته مرارة الظلم  وامرضه حتى هواء المدينه .. 
اليوم هو 24 يناير 2011 .. كان قد سمع من خلال بعض الاصدقاء انه في يوم 25 يناير ستخرج مظاهره مطالبة بالحقوق المشروعه للمصريين ولكنه لم يبالى وقال لفنسه فى حوار باهت .. مفيش حد هينزل الشارع ولو حد نزل هيكون الناس اللى بتنزل كل مره وهيقولو الكلمتين ويروحوا 
اقنع نفسه بما قال ... رجع الى بيته وبالرغم من انه فى حالة هدنه مع النظام الا انه لم يكف عن شراء تلك الجريده التى لا تدخل فى هدنه ابدا مع النظام وفى جلسة فى احد اركان البيت بدا فى  قراءة الاعمده المفضله وبعض اخبار الشعب المقهور .. ولانه مصرى اصيل ولان له مع النظام حكايات  فلم يبخل عليه النظام  بالمرض .. فقد كان يعالج من السكر والضغط..
لا يستطع ان يمنع نفسه من قراءة اخر اخبار فساد الحاشية وابن الرئيس .... انهمر فى القراءه ... اكثر واكثر
حتى وقع على الارض مغشيا عليه ودخل فى غيبوبة السكر .......

اليوم هو الثلاثلاء 13/4/2011
بدا على وجوه الجميع علامات الحزن والترقب  لقد قاربوا على الثلاث اشهر وهو فى غيبوبته ...
واخيرا .. فتح عينيه ... اخذ يحملق فى وجوه من حوله وبصوت مجروح ... انا فين ..
- حمد الله على  سلامتك يا ابو احمد انت فى المستشفى بس الحمد لله ربنا قومك لينا بالسلامه
- فين الجرنال 
- جورنال ايه بس دلوقتى ..؟
- بيقولوا فى مظاهره بكره عاوز اعرف اخبارها ..
- يا ابو احمد  دا فات تلات شهور على الموضوع ده .. وحصلت حاجات كتيييييير 
- تلات شهور .!!!!! حاجات ..؟؟!! حاجات ايه ؟
لم تكتمل كلمات المرافق حتى ظهر على شاشة التليفزيون الخبر العاجل والذى انتبة اليه بكل حواسه 
خبر عاجل : قرر النائب العام حبس الرئيس السابق حسنى مبارك 15 يوما على ذمة التحقيقات .!!!!!

صمت ..... ذهول .... توهان ...
اغشى عليه ... دخل فى غيبوبة اخرى .

14 يعنى ايه ديموقراطيه وحرية وعدالة ومدنية.؟


هل فعلا احنا كشعب   " وليس كشريحة من الشعب المثقفه او على الاقل مطلعه "  مهيأين وقادرين على ممارسة الديموقراطية  وتفعيلها ..؟ وايه هو تفسيرنا للديموقراطيه  اصلا ..؟ وايه هو تفسيرنا للحرية ..؟ وايه هو تفسيرنا للدولة المدنية ..؟

اسئلة كتييير محتاجه لاجابات  اكتر   .. وقبل الاجابة محتاجين نكون فاهمين ومقتنعين بجد بالاجابة اللى هنقولها ولانى وللاسف شايف انه فى الوقت اللى كلنا حاربنا علشان الحرية والديموقراطية  اللى عاوزينها .. يوم ما ننتزعها ونحصل عليها  يكون معاها  اخطر شىء ممكن يهددها ويهدد ممارستها فى مصر وهو الجهل والامية ..

اوقات كتير بحاول اقنع نفسى بان مفيش خطر على ممارستنا الديموقراطيه والحرية  بس وللاسف برضه  كل الدلالات بتقول غير كدا بدايتا بالاستفتاء واللى حصل فيه  ودلوقتى واللى بيحصل فى قنا ..
مش قادر افهم هل الناس اللى مش عاوزه محافظ علشان قبطى .. هل الناس دى شاركت فى الثورة وكانت بتنادى بالحرية والعدالة ؟؟
هل دول الناس اللى طلعوا فى الشوارع وقالوا عاوزين ديموقراطيه ودولة مدنية ..؟ طيب ياترى لو قالوا كدا فعلا ايه مفهوم الديموقراطية والحرية والدولة المدنية  اللى كانت فى مخيلتهم 

احنا محتاجين نحط تعريف وبسرعه لكل المصطلحات دى ويكون فى توعيه للجميع وخصوصا فى ارياف مصر والقرى والحوارى والمناطق الشعبيه اللى منتشرة فيها الامية لانى شايف ان الجهل والامية اخطر حاجه هتواجهها مصر فى الفتره الجاية لان ممارسة الديموقراطية محتاجه وعى  
شايف ان غير الامية والجهل موجود تطرف فكرى  وطائفية بتظهر من وقت للتانى  كل دى  هتكون اشواك فى طريق مصر فى المرحله الجاية  ..
و التظاهر مع انه حق اصيل للانسان واخيرا انتزعناه كباقى الاستحقاقات اللى جنيناها من الثورة ولكن للاسف تانى  شوهنا الحق واصبح مهنه...... حتى لغة الحوار اللى قامت الثورة علشانها نسيناها والصوت العالى بقى اللغه  السايدة حتى لو كان الاعلام بيحاول يجمل الصورة شوية .
فى رايى انه لازم الدولة تقوم على المواطنة وكل مواطن مصر يحمل الجنسية المصرية  يكون له كل الحقوق وعليه كل الواجبات اللى بينظمها الدستور والقانون ومفيش اى تمييز لحد على حد سواء بدينة او لونه او عقيدته .. والحرية لازم تكون حرية مسئولة وليها سقف وهو معتقدات ومقدسات الاخر .. الطريق طويل بس محتاجين نبداه صح لاننا لو مبداناش صح والقانون هو اللى مشى على اكل من البداية هنتعب اوى بعد كدا
يمكن يكون كلامى فيه تشاؤم كتير بس اعتقد انه غير كدا ....... هو خوف وقلق لان الصورة مش واضحه فعلا 

ياريت كلنا نعطى تعريفات للمصطلحات اللى نادينا بيها فى ثورتنا 
الديموقراطيه والحرية والعدالة . وياترى احنا فعلا قادرين على الممارسة ؟ واية اكتر الاخطار اللى ممكن تواجه المكتسبات دى ؟

8 رساله من غزه


كنت قد نويت بان اكتب شيئا خاص بيوم الاسير الفلسطينى 17 /4  ولكن لظروف منعتنى قررت ان انشر هذه القصة والتى كنت قد نشرتها من قبل.


رساله من غزه ...

كان يوما عاصفا ... الرياح تكاد ان تخترق جدار حجرتى .. .
النوم مازال على اعتاب عيونى .. ولكنة لم يصل اليها بعد ...هناك صوت خافت فى الافق يبدو وكانه صوت القناة الاخبارية التى لا يغيرها ابى منذ اليوم الاول للعدوان على غزه ...  اصوات الصراخ والبكاء قد جعلتنى اخاف ان اتابع هذه النشرات ... كنت فى منامى ارى الاحداث كلها واصاب بحاله هيستيرية اشبة بنوبة صرع من هول ما ارى على الشاشه  دون ان احرك ساكنا وانا ارى اخوتى يقتلون ويذبحون امام عينيا ...
الارق يمنعنى من النوم هذه الايام .  سوف اقوم بفتح بريدى الالكترونى لاتفقد الرسائل الجديده .... انها رساله من احدى صديقاتى الفلسطينيات... بربك اهذا وقت رسائل والعالم كله يتابع ماالم بكم ؟؟؟!!!
كانت صديقتى هذه ورغم انها تقيم فى وسط غزة .... رغم انها تنتمى لاسره  تسمى فى منطقتها باسرة الشهداء  ... رغم ان لديها اعاقة فى قدمها اليسرى جراء قذيفة دبابه صهيونية ..... رغم ما تشاهده يوميا امام اعينها من مذابح لاخوانها ......... كانت تمتلك روح كثيرا ما جعلتنى اتعجب وانا احاول ان افهمها .... أمن الممكن ان يكون الانسان فى مثل هذه الظروف .. ويمتلك هذه الرح القوية ..الايمان... الحماس ... الفكاهه ... الصبر .... الرقه .!!!
يا إلهى أى بشر هم ..؟
اسمها .. جهاد ..  كان والدها قد اصر على ان يسميها على اسم اخية الذى يمكث فى سجون الاحتلال .. وابن عمه الذى اغتيل فى القدس بصفته من شباب المقاومة الفلسطينيه ...
تمتلك من العمر 18 عاما ... بعض الاوقات اشعر وكانها تمتلك من الخبرات ما يدل على انها فى عقدها الخامس .... بعض الاوقات اشعر وكانها طفله بريئة .. مفعمة بالحيوية ... تركض خلف الكره او تلهو بتلك دمية  المصنوعه من القماش التى حدثتنى عنها ....
كانت هذه رساله من جهاد .. تقول فيها ...
اختى  هدى ..
السلام عليكم ورحمة الله وبركاته . اكتب اليكى من غزه . .. من فلسطين .. قلب العروبة الدامى ... اكتب وانا تلقيت اليوم خبر وفاة احد ابناء خالتى ..فى قذف مقر الاونروا ... مازلت لا استطيع النوم منذ ثلاث ايام ... صوت الطيران الصهيونى يفزعنى ... ويفزع اختى الصغيره ... لا اعلم ان كنت لا استطيع ان انام من هذا فعلا ام لانى اخاف ان انام فأصحو لا اجد بيتى ولا اجد امى ولا اجد اختى الصغيره .... مازلت محتفظه بتلك الدمية الصغيره التى صنعها لى والدى قبل ان يستشهد ... بساعة واحده .... أرى فيها روح والدى .. كلما اشتاق لرؤياه .. اجلس وانظر اليها كثيرا... لكنى لا ارى لها شارباً مثله ........... اعذرينى انى اضحك ....
مازلت افكر فى شىء كهذا ا حتى اضحك ..... فما عاد شىء هنا من الممكن ان يضحك..... كل الوجوه يعلوها اتربة البيوت الراكده على الارض.... كل الوجوه يكسوها دماء .... الحزن يسيطر على نظراتنا ... الخوف والقلق صار عنوان كل من لم يعد يملك مسجدا يدعو فيه لربه .. صار عنوان كل شخص .. فقد ما لديه من اهل وسكن ..
أتعلمى ..
اتمنى لو ان قدمى سليمه ... والله كنت سأحمل سلاح ابى واكون من اوائل المقاومين .... ولكن مازالت هناك فرصه لذلك ... انى انتظر طبيب  من اقاربى قال لى انه من الممكن ان يقوم بعملية جراحية وان يعيد لقدمى صحتها بنسبه تصل الى ثمانون بالمائه .... كلما افكر فى هذا الامر ادعو الله كثيرا .... انى مشتاقة جدا للشهاده
كان ابى يقول تلك الكلمات دوما ... والحمد لله أجاب الله دعوته ..
اعلم انكى صديقتى ... بالله عليكى إدعى لى فى صلاتك ان اكون من الشهداء..
ولكن اتعلمى ...
رغم مابنا ....... رغم كل الدمار الذى لحق بنا ....... رغم الموت الذى تشتمين رائحتة فى كل مكان بالمدينه .. الا اننى واثقة من نصر الله ........... واثقه من ان هذا العدوان هو بداية زوال الصهيوني الجبان ...
اقسم انى واثقه ..
أختى الصغيرة .. تقول دوما  وتردد كلمات السيد ياسر عرفات رحمة الله .. ( ياجبل مايهزك ريح ) اكون فى قمة سعادتى عندما اسمعها تقول ذلك  ولكن برأيك لما اكون سعيده ..؟
من الممكن لانها صغيره والكلمات تخرج من فمها جميله وبسيطه .. ام انها تشعر بالنصر القريب ... ام لانى اريد ان اتشبث باى شىء فيه رائحة النصر  ... لا اعلم .. ولكن دعينى اسالك شيئا...
ما هى اخبار اهلى فى الاسكندرية ..؟؟ يقولون ان الشتاء عندكم يكون جميلاً   ... اتعلمى اتمنى لو انى آتى لمصر ... وازور الاهرامات ... والنيل ..
واصلى فى الازهر وادعو الله  ان ينصرنا قريبا.... و ازور بانوراما اكتوبر .. كم تمنيت ان تعاد تلك الايام .. واشعر بالنصر ...  و ........
كيف لى ان اكتب ل هذا ..... لقد بعثت لكى تلك الرساله كى اقول لكى ... صلاة الفجر باق عليها نصف ساعه
قومى فصلى وادعى  فى سجودك بان ينصرنا ويثبتنا .. وان ياتى بانصر من عنده انه هو السميع العليم ..
اختى هدى
لا اله الا الله ..
 
 
 

12 إالى حبيبتى " مشاعر مستخبيه"



  
وتسألين كم أُحِبُكِ ؟....... ومثل ماذا فى قلبى حُبكِ ..؟
وهل أُفَكِرَ فيكِ .... أم اننى نَسَيتُ وجهكِ ..؟
ولماذا لم أُهاتفك هذا المساء ؟
وحذار أن تُشغلك عنى إحدى النساء ...

حبيتى ... أميرتى 

وهل فى هذه الدنيا شىء مثل حبكِ
وهل فى هذه الدنيا إمرأةُ مِثلكِ 
هل يستطيع الظمآن جداً أن ينسى الماء
وهل تتخيلينَ يوماً القمر يفارق السماء...



3 تكبر ... تكبر .. رائعة محمود درويش

دعوة لصفاء النفس
 كم اعشق شعر هذا الرجل ... واعشق تلك القصيده  واعشق ذلك الصوت الحنون .. أميمة الخليل

13 كاركاتير عا الماشى






اضيفت  12/4



7 لقطات

* امبارح فى العاشره مساءا كان فى خبر عن اختطاف بنت رجل اعمال وسياسى معروف وبدون ذكر اسماء وبان المختطفين عاوزين فدية كبيره.....
بعد الخبر ده  انا اتصدمت وجالى شعور بان الجريمة دى اذا كملت يبقى خد من هنا ورايح كل يوم جرايم بالشكل ده وعلى الخوف  اللى كان عندى اصلا زاد خوف كمان .... انهارده فى برنامج صباح دريم اتكلمت دينا عبد الرحمن وكان معايا اسامه هيكل وعلقوا على الموضوع وقالت انها بنت عفت السادات وكان عندهم نفس التخوف بتاعى بس اثناء كلامهم جالهم اتصال من مصدر امنى بانه تم القبض على المختطفين والبنت رجعت لاهلها ......... والله فرحت جدااااااااااااااا وفرحى طبعا مش لمجرد ان البنت رجعت لاهلها انا فرحى جه من احساسى بان الحمد لله دى رساله لكل شخص هيحاول يلعب بامن مصر وانه لسه فى جهاز شرطه قادر انه يتعامل برغم حالة الفراغ اللى بتشمل  محافظات مصر








 * تقرير جولدستون واللى مش فاكره ( هو التقرير الدولى الوحيد اللى ادان عدوان اسرائيلى على اهلنا فى غزه) فى ضغوط عليه ضغوط صهيونية شديده لسحب التقرير وبالتالى يعطى ضوء اخضر للصهاينه بممارسة اعمال اجرامية كالعاده فى اهلنا فى غزة بحجة الدفاع عن النفس ..
اتمنى انه لازم يكون فى موقف  حاسم وواضح لمصر وانا كلى ثقه اننا قادرين ان شاء الله اننا نجنب اخواننا فى غزة جرائم الصهاينه  خصوصا بعد ما حسينا بالامل بعد تصريحات وزير الخارجيه .

5 اعتــــــــــذار واجــــب







بصفتى  مواطن عربى مصرى بعتذر وبتاسف وبكل معانى كلمات الاسف لكل الشعب التونسى حكومة وشعب  ولجماهير الكره التونسيه 
 بجد احنا اسفين على اللى حصل فى مباراة الزمالك والافريقى ............... ولكل الجماهير الهمجية  التى لا تعبر عن الشعب المصرى ولا عن ثوار مصر ... انتم عااااااااار على مصر انتم عاااااااار فى تاريخ كرة القدم المصريه

10 الثورة الطيبه

السلام عليكم ورحمة الله



مبدئيا دول رسمتين رسمتهم مؤخرا  اعتقد ان فيهم شوية من روح الايام اللى عايشينها



ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نقطه ومن اول السطر

كتير من المشاهد وكتير من جو اللخبطه  كتير من الاراء كتير من كل حاجه  بمعنى ادق ماسورة من كل حاجه وانفجرت
فى اعتقادى انه حاجه طبيعيه بعد ثورة .. بعد تهميش وسحق  وتجريف لكل ماهو (( فيه الرمق ) زى مابيتقال ... هتكلم فى كذا نقطه وبسرعه

* انا موافق على المرسوم اللى هيخرج بتجريم بعض حالات التجمهر والاعتصام  وشايف انه كان لازم يخرج للنور قبل كدا بشوية ودا لانى مقتنع تماما بان فى شىء بيدبر او هو مدبر بالفعل وموافق ومقتنع بالثورة المضاده وان كنت  شايف انها مش منظمة وانها    محاولة للبقاء _ بقاء المفسدين اللى بيحافظوا على اى شىء يبقيهم بعيدا عن المساءلة _  .. غير كدا  اعتقد برضه ان استقرار مصر وده  هدفنا كلنا انما لازم فرصه للحكومة  .. فرصه تسمحلها بتنفيذ خطوات محدده علشان نقدر نعدى الفتره دى باقل الخساير وشخصيا انا واثق تمام الثقه فى الدكتور عصام شرف وفى حكومته ..

* واضح ان الشعب المصرى بحكم انه شعب طيب .. يوم ما قام بثورة عمل ثورة طيبه ويم ما انتقل الحكم للمجلس العسكرى اللى هو كمان طيب  شايف انه بيتعامل مع بعض الملفات بنفس الطيبه ......  برغم انه مش وقت الطيبه خالص مع بعض رؤس الفساد رموز وكسور واس الفساد والخراب اللى  كنا عايشين فيه .......  شخصيات ريحتها طالعه _ فتحى سرور - على الدين هلال اللى محدش بيجيب  سيرته - صفوت الغير شريف - زكريا عزمى - مفيد شهاب  ترزى قوانين ال مبارك وغيرهم  وغيرهم ... الناس دى لازم يطبق عليهم قانون الطوارىء فورا ... الناس دى كانت بتحكمنا بلا قانون ولا دستور ولا شرع يبقى من الاولى اننا نحاكمهم  بنفس اسلوبهم يعنى مش لازم يتمسك عليهم ورق ولا تقارير .. الناس دى ريحة الفساد  سابقهم فى كل مكان .

*  شباب الثورة واللى لاااااازم يكونوا ممثلين وبقوة فى  مجلس الشعب القادم ... لازم ينزلوا الشارع وخصوصا فى القرى وارياف مصر .. اغلبية الشعب المصر واغلبية الاصوات ... لازم يكون التواجد بكثره لاننا لو فضلنا فى القاهره ونتكلم كلام كبير - كلام ناس مثقفه وبتاع - مش هنقدم ولا هناخر لان الطبقه الفقيره من ابناء مصر اللى موجوده فى الارياف هى القوة الضاربه فى اى انتخابات وحدش يقول مفيش وقت ولا فرصه ... لا فى وقت وفى فرصه كبيره  بس نتحرك ونتفق ونتحد .

*الاعلام دورة كبير جدا .. الاعلام المحترم طبعا واللى له رصيد من الثقه عند الناس ... تثقيف الناس فى الديموقراطيه وممارستها وتقبل واحترام الراى والراى لاخر .. دى مهمه مش سهله  واعتقد انها لازم تكون فى اولويات الاعلام الفتره الجايه ..

* كفااااااايه بقى جروبات وصفحات على الفيس بوك - حد يقفل الماسوره دى يا اخوانا ... مش كدا 
واخيرا . وطى صوت التليفزيون واسمعنا من التليفون 

4 بين نعم ولا ......

السلام عليكم ورحمة الله بوركاته

وبدأناها بتحية الاسلام علشان محدش يقول حاجه ولا حاجه اصل انا بعيد عنكم واحد من اللى كانوا بيأيدوا لفكرة (
لا) للتعديلات الدستورية .. واللى اتضح اننا وللاسف اصبحنا قلة مندسه ضد الاسلام ومع الملحدين اصحاب تاشيرات كندا وامريكا

فى البداية انا مازلت عند تفاؤلى ودا لان   اصحاب نعم بدأوا كمان يقولوا ان اصحاب لا ناس متشائمين وبتاع .. الموضوع بإختصار وبرغم نجاح المصريين فى اول اختبار ديموقراطى بعد الثوره الا ان الاستفتاء وضح شوية امور منمها ان الشعب المصرى معندوش ثقافة الديموقراطيه بمعنى تانى ويؤسفنى انى استعير كلمة الريئس المخلوع هو ان الشعب غير مؤهل لممارسة الديموقراطيه وده نتيجة طبيعيه لسياسة التهميش اللى عيشنا فيها نظام عصابة مبارك واعوانه .. احنا رائعين فى ممارسة الاحتشاد (
اللمه بمعنى ادق) وده شوفناه فى ميادين مصر وشوفناه فى الاستفتاء والطوابير اللى ملهاش اخر ... دى حاجه لازم نعترف بيها ولازم اعلامنا يعترف بيها علشان نقدر نواجهها ونمشى فى الطريق الصح لانى لاحظت ان الاعلام بيحاول يغمى عنيه عن الحقيقه دى ولازم نعرف انه فى فرق بين الاحتشاد وبين ممارسة الديموقراطيه احنا صحيح غير مؤهلين كليا للمارسة الديموقراطيه لكن عندنا استعداد واستعداد كبير جداااااا


اللى حصل انهارده انى شوفت فيديو للشيخ ممحمد حسين يعقوب وهو واحد من الناس اللى بحترمها جدا ومكانته عالية عندى وعند كل المسلمين ولكن بصراحه اتصدمت ... استوقفتنى بعض الكلمات اللى جات فى الخطبه وهى مثلا برامجهم وجرائدهم وديموقراطيتهم وغزوة الصناديق .. والناس اختارت الدين ...!!
هو فى ايه ..؟
هو حاجه من اتنين يا اما احنا ((
معاشر من قالوا لا )) مش فاهمين يا اما هما (( معاشر من قالوا نعم )) مش فاهمين
اصل انا الى فهمته اننا الاتنين هدفنا مصلحة مصر واستقرار مصر انا شايفها انها هتيجى بدستور جديد ونبدا على مية بيضه زى ما بيقولوا ويكون فى فرصه لتوعية الناس بالديموقراطيه وتقبل الاخر وما الى ذلك علشان نبدا نبنى على قاعده سليمه ..   .. وهما شايفنها انها بتعديل مؤقت وبانتخابات مبكرة واستقرار مبكر .. دا اللى كنت فاهمه قبل الاستفتاء وطول فترة الحوار على الاستفتاء

فوجئت بان لا فى ناس بتقول انت رايح الاستفتاء تقول نعم ولا لا للدين نعم ولا لا للاسلام

بصراحه الفيديو صادم .. على الاقل بالنسبة ليا ومش عارف هو انا اللى كنت فاهمه صح ولا انا كنت فاهم غلط ولا ايه اللى بيحصل




ــــــــــــــــــــــــــــــــــــــــــ


مطلوب من المجلس الاعلى فى الفتره الجايه ومع الاعلان الدستورى لازم  يكون فى قوانين حاسمة فى مسألة خلط الدين فى السياسة بالشكل ده
مطلوب من الاعلام تثقيف الناس فى الديموقراطيه وتقبل الراى الاخر
مطلوب من كل الاحزاب وكل القوى السياسية وكل الشباب النزول للشارع وخصوصا فى المناطق الريفيه والصعيد 
مطلوب من مشايخنا وعلمائنا الاجلاء ان يفرقوا بين الاختلاف فى الراى فى السياسه وبين الخروج عن الدين  






دا الفيديو



1 الناس فى بلدى ..... جعــــــانيييين ديموقراطيه











انهارده ومع ممارسة اول استحقاق للشعب المصرى من ثورة 25 يناير وبغض النظر عن نعم ولا لا ... اقدر اقول ان  تفاؤلى بيزيد يوم عن يوم  والحمد لله قدرنا ننجح فى اول اختبار فى ممارسة الديموقراطيه هو صحيح لسه منقدرش نقول نجحنا ميه فى الميه وان النجاح ده نقدر نأكده لما الكل يتقبل النتيجه مهما كانت بس المؤشرات بتقول اننا ان شاء الله فى الطريق الصحيح ... 

بتمنى ان الاعلام  يمارس دوره فى تثقيف الناس  فى الديموقراطيه  وتقبل راى الاخر وعدم فرض الراى  بالارهاب ولا بالتخوين زى ما للاسف حصلت فى بعض الاحيان الفتره الاخيره  .. بس برضه متفائل الحمد لله 

الناس فى مصر بجد جعانين وعطشانين ديموقراطيه وحريه ... مصر بتتنفس ديموقراطيه انهارده  ربنا  يكملها على خير 

2 للشرفاء فى قولبنا وعيوننا داائماً مكان ...

لو كل كلب عوى ألقمته حجرا لأصبح الصخر.. مثقالٌ بدينار
ارجوووك كمل طريقك علشانا وعلشان مصر .. استمر واحنا معاك والله وربنا يوفقك ويوفق كل الشرفاء اللى مصر امانه فى ايديهم


مكالمة المستشار جودت الملط (رئيس الجهاز المركزى للمحاسبات ) لبرنامج الحياة اليوم

1 كلمة الشيخ الشعراوى للمصريين بعد ثورتهم

7 أنـــــــــــــا مــــــــــــــــصــــرى




الحمد لله الحمد لله والله اكبر

انهارده اقدر اقول ان مصر رجعت للحياه وان شعب مصر عاد للحياه
انهارده بس اقدر اقول وبصوت عاااااااااااااالى
 أنا مصرى

2 وائل غنيم فى العاشره مساء

video

2 التاشيره..... هشام الجخ

video

3 عـــمــلــوهــــا الابطــــال ..... عمـــــلوها الوحــــوش




اثناء متابعتى للاحداث الجارية فى تونس الحبيبه وبمجرد علمى بهروب الرئيس التونسى  وخوفة من مواجهة الشعب التونسى البطل  .
 انتابتنى حالة من الفرح الشديد  وكانى اصبحت تونسى  ابن تونسى عانيت من بطش وسلطوية هذا النظام الفاجر واليوم جاء ميعاد الفرح ... ردت الى كرامتى ... رد الى اعتبارى وانسانيتى وشموخى ...
هناك بالفعل دموع فى عينى وان كان لها اكثر من سبب وان كانت دموع لها اكثر تصنيف
اولها  دموع فرح لاننى ارى شعبا يثور فى وجة طاغيه  شعب سأم من الوعود الكاذبة والحاشية المفسدة والفاجره ورايت  ان هذا مثال لابد وان يحتذى به وان يقتضى به فى ثائر بلادنا العربيه  التى ملت وسامت من انظمة تدعى الوطنية والغيره على مصالح مواطنيها

انها دموع حزن ... نعم انها دموع حزن على وفاة الشهداء الابرياء الذين ضحوا بدمائهم وسقطوا فى المظارهات والاحتجاجات فى سبيل حرية الشعب وتمنيت ان تكون ارواحهم على علم بما صنعت دمائهم  من  عزة وكرامة للشعب التونسى ككل  وان جاز التعبير فللشعب العربى ككل

دموع امل .. فى ان تكون الثورة الشعبيه التونسيه نبرسا ومنارة تسير كل الشعوب العربيه تجاهها وان تحذو حذوها وان تستنير بها وتنزل الى الشوارع وقلوبها وصدورها مفتوحه فى وجه كل الانظمة الفاسده الفاجره منادية بالحرية بالعدل بالمساواه بالديمقراطية ..

دموع خوف .. لان هذه الثورة مازالت فى بدايتها واخشى عليها من الالتفاف حول مطالبها  ووأدها فى مهدها وان كنت اشك فى ذلك لانها اكبر واعظم منم كل البشر ومنم كل فاسد طامع فى خيرات وإذلال هذا الشعب العظيم.
تحية لكل شهداءالثورةالشعبيه التونسيه
تحية لكل شرفاء هذا الوطن العربى الكبير
 وسلمتى يا تونس وسلمت يا وطنى العربى من كل سوء .

4 ضـــحيـــة الــــفــــشــــل




سيد بلال ضحية الفشل الامنى وضحية جهاز هدفه الاول والاخير امن النظام وليس امن المواطن

 
Design by Free WordPress Themes | Bloggerized by Lasantha - Premium Blogger Themes | Grants For Single Moms | تعريب وتطوير : باســـم .