16 سيأتى يوماً.......!

حدثنى ابى يوما كنت فيه لم اتعدى العاشره .. (سوف يأتى يوماً تتمنى فيه لو انك لم تكبر ولم تمر بك السنين ..)
إبتسمت .. من المستحيل هذا .. فياليتنى أُغمض عينيا وأفتحهم أَجدُنى شابا ذو لحية وشارب وصاحب عضلات قوية ...
إبتسم ... سوف نرى ..!

إصطحبنى أخى يوماً كنت فيه لم أُكمل عامى الثالث عشرفى رحلة الى الشاطىء مع بعض اصدقاءه .. صاروا يسبحون ويلهون ويتهامسوا مع بعض الفتيات اللاتى كن فى البحر ....
هل آتى اليك ...؟
ابتسم .. لا لن تستطيع العوم .. عندا تصبح شاباً مثلى سوف تستطيع ذلك ..!
عبستُ ... ومتى سأصبح مثلك ..؟!
إبتسم ... لا تتعجل فسوف يأتى يوماً تتمنى لو انك لم تكبر ولم تمر بك السنين
إبتسمت ... من المستحيل هذا ... فيالينى أُغمض عينيا وأفتحهم أجدُنى شاباً مثلك ..
إبتسم ... كُنت أقول مثلك
لم أُبالى ............

أخبرنى صديق طفولتى بأنه سوف يذهب بصحة والده فى العيد إلى بلدته القديمة المجاورة لنا.. ليرى منزله الذى عاش فيه طفولته ..
ولما لا نذهب بمفردنا الى مكان ما ...؟
إبتسم ... يقول أبى اننا لم نكبر بعد .. وعندما نصبح كباراً سوف يتركنا نذهب الى أى مكان بمفردنا
هذا ظلم ... برأيك متى سيحدث هذا ..؟
إبتسم .. لااعلم ولكنة يقول دائماً لا تتعجل الامور .. فسوف يأتى يوماً أتمنى لو لم أكبر ولم تمر بى السنين ..!
ستغعل ذلك فعلاً...؟!
إبتسم ... من المستحيل هذا .. فياليتنى أُغمض عينيا وأفتحهم أجدنى صرت كبيراً..
إبتسمت ..

مُنذ شهر ... أجبرتنى مرآتى على ان أحلق ذقنى ... بعدما وجدتنى صرت شيخاً .. اكل الدهر عليه وشرب ...
شاهدنى إبن شقيقتى
علا صوتى... لا تلمس هذه .. انها للكبار فقط ...
ومتى سأكبر..
إبتسمت .... قريبا سوف تكبر
ابتسم... اتمنى ان اكبر سريعاً كى حتى أفعل ما تفعله
إبتسمت ..
تذكرت أبى .......... شقيقى ............ صديقى
إبتسمت ....لا تتعجل الامور فسوف يأتى يوماً ... تتمنى فيه لو انك لم تكبر ولم تمر بك السنين ....!!!!

16 اللى شرفونا بتعليقهم:

غير معرف يقول...

أخى حمدى .. كم كانت كلماتك البسيطة .. قوية .. ارانى فيها وارى اننى وان كنت أتأخر فى الدخول لمدونتك ولكنى اخرج منها بالكثير
سلمت يداك اخى

غير معرف يقول...

هى دى الدنيا :D
كالعادة الاسلوب مميز اوى
شكرايا حمدى

حمدى جعوان يقول...

متشكر اوى ياغير معروف 2( مع انى عارفك )
تعليقك نور المدونة

sally يقول...

تسلم ايدك يا جميل على الكلام الحلو اوى دا
انا لو قريت الكلام دا من اى حد مش هحس بجماله زى ما بقراه منك يا حمدى
متميز دايما
ربنا يوفقك يارب
بس قوللى هنا
ايه دى بقى
بعدما وجدتنى صرت شيخا
بقى حمدى جعواان يقول " صرت شيخا "
اسحبها بقى يا حمدى علشان انا عارفه انك لا صرت شيخا ولا حاجه

sally يقول...

ومبرووووووووووك يا جميل على الاستايل الجديد للمدونه
ويارب تبقى بالمزيد

حمدى جعوان يقول...

الله يبارك فيكى يا ساااااااااااااالى ومتغبيش تانى بقى علشان انتى عارفه اللى هيحصل

هنعيشها صح يقول...

ابتسم.....تصدق هى انسب رد فعل على الزمن ابتسامة ....يا اما ابتسامة فرح ولا سخرية ولا ..........عمر ابن آدم أيام ....هانت الأيام وانقضت وعلى ابن آدم قضت لاحى فضل حى ولا ميت صحى ....هانت الايام على ابن آدم كل لون وكل شكل بانت .........
دوما متألق ومبدع ربنا يحرصك يارب

sally يقول...

لا يا حمدى مش هغيب تانى
انت عارف ايه اللى خلانى اغيب الفترة اللى فاتت
وان شاء الله طول ما انت موجودفى المدونه وبخير انا كمان هكون موجوده

غير معرف يقول...

الللللللللللله عليك ياحمدى بجد تسلم ايديك تعرف انى كان نفسى اقول الكلام دا على نفسى من زمان بس يلا انا وانت واحد يا معلمى

مهندس مصري بيحب مصر يقول...

فاكر أغنية هشام عباس
زمان زمان و أنا صغير
كنت بأحلم أبقى كبير أبقى كبير
تعب القلب و إتحير من الدنيا و من المشاوير

حمدى جعوان يقول...

عارفها والله يابشمهندس وبغنيها كتيركتير

و اما كبرت قولت ياريت ماكنت حلمت ولا اتمنيت
وقوت ياريتنى فضلت صغير ....... زى زمااااااان

غير معرف يقول...

كنا زمان سكنين هنافي الحي ده من كام سنه ياهل تري اتغيرت انا والا الزمان عدي وغير حينا....ياه ه ه ياحمدي فكرتني بأيام زمان وانا صغير..بجد برافو عليك

غير معرف يقول...
أزال أحد مشرفي المدونة هذا التعليق.
واحد من الناس يقول...
أزال أحد مشرفي المدونة هذا التعليق.
غير معرف يقول...

معنى كلماتك جميل اوووى وبجد الاسلوب رائع جدااا
اشكرك لتواجدك بمدونتى
لونلى اونلى

حمدى جعوان يقول...

لونلى اونلى

اشكرك على تعليقك .اسعدنى تواجدك فى مدونتى

 
Design by Free WordPress Themes | Bloggerized by Lasantha - Premium Blogger Themes | Grants For Single Moms | تعريب وتطوير : باســـم .