8 نوم الظالم عباده !

بنقول كلام كتير وبطريقه تلقائيه تقريبا من غير
ما نفكر فى معناه
زى مثلا
( تلت التلاته كام )"
( من رابع المستحيلات )

" نوم الظالم عبـــــــــــــــــــاده "
الجمله دى بصراحه هى اللى شدد انتباهى اوى
انا بحثت فى جوجل عن معناها بس لقيت التوبيكات اللى على معناها
عبارة عن اسئله والاعضاء بيقولوا اراء لهم
بس مش مبنيه على اساس علمى
المهم فضلت ورا الموضوع لغايه لما جبت التفسير العلمى لمعنى الجمله دى
من استاذ دكتور مخ واعصاب فى المنصورة
المعنى العام الجمله
ان الانسان الظالم وهو صاحى بيعمل اعمال تغضب ربنا ويظلم الناس بافعاله وبيرتكب الاخطاء
وهو نايم بقى بيرحم الناس من شره
وبالتالى مش بياخد سيئات على اعماله لانه مش بيعمل حاجه اصلا
دا كلام تمام اوى وهو صح مش غلط بس مش على اساس علمى
التفسير
ان ربنا سبحانه وتعالى خلق الانسان و سخر جميع اعضاءه تحت خدمته
من ايدين ورجلين وحواس واجهزة واعضاء داخليه
وعلشان كدا الانسان بيتحاسب على افعاله لان هو اللى بيسطير على
نفسه
الاساس العلمى بقى لمعنى الجمله
ان عقل الانسان الباطن بيرسل اشارات للمخ والمخ بيرسل اشارات لباقى الاعضاء
عن طريق خلايا الجسم للقيام بعمل معين
" زى مثلا رد فعل الايد لو مسك شىء سخن "
يبقى كل عمل الانسان بيعمله بيكون نابع من ارادته
لما ينام بقى الخلايا بتسير فى مجراها الطبيعي
دون تدخل من الانسان
مجراها الطبيعي دا اللى هو دوران الخلايا داخل الجسم
في اتجاه طواف الحجاج حول الكعبه
" حركه عكس عقارب الساعه "
ودى طريقه تسبيح الخلايا جوا جسم الانسان
والطريقه دى ما بتحصلش الا والانسان نايم
ودى طبعا كلها حسنات للشخص النايم
علشان كدا فعلاااااااااااا
" نوم الظالم عبــــــــــــــــــــــــاده "

الحمد لله

8 اللى شرفونا بتعليقهم:

daloo3a يقول...

والله معلووومه حلوه ^^

Mona يقول...

سبحان الله
عمرى ما فكرت ان ليها اساس علمى
بس بجد معلومة حلوة

بنوتة يقول...

انا كنت فكراها كلمه وخلاص
او تقريبا مفكرتش انى اشوف تفسيرها زى تلت التلاته كدة
طيب مكانوا يقولوا النوم عبادة على الاقل مش ازعل لما انام زيادة بالعكس افرح اكتر
موضوعك جميل وكل سنه وانتم طيبيين

دكـــــتور جدا يقول...

السلام عليكم

معلومة جميلة جدا

وكنت بقول التفسير الاول

بس والله تفسير منطقي

ربنا يبارك فيكم

تحياتي

sally hamdi يقول...

daloo3a
متفائلة في زمن اليأس
بنوتة
ضكتور جدا
..............
نورتونى برودودكم
ومتشكرة اوى لزيارتكم المدونه

ثائر يقول...

بنتي عندها سنة لو تعرفوها حتتأكدوا من المعنى الحرفي و المطلق لمقولة "نوم الظالمين عباده"

blue-wave يقول...

ههههههههههههههههه
حلوة المعلومه
بس اللى انا اعرفه
ان الإنسان وهوا نايم
كل اعضاؤة بتسبح ربنا
طبعا الظالم وهوا صاحى مش بيسبح
لكن وهوا نايم اعضاؤة بتسبح
ف بياخد حسنات وبتبقى عبادة
تحياتى فى اول زيارة

ALLELIO- موطنـــــــــــــــــــــــــــى(ma patrie) يقول...

جميل جدا الموضوع دة وفى اراء متضاربة كثيرة

 
Design by Free WordPress Themes | Bloggerized by Lasantha - Premium Blogger Themes | Grants For Single Moms | تعريب وتطوير : باســـم .