10 الثورة الطيبه

السلام عليكم ورحمة الله



مبدئيا دول رسمتين رسمتهم مؤخرا  اعتقد ان فيهم شوية من روح الايام اللى عايشينها



ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نقطه ومن اول السطر

كتير من المشاهد وكتير من جو اللخبطه  كتير من الاراء كتير من كل حاجه  بمعنى ادق ماسورة من كل حاجه وانفجرت
فى اعتقادى انه حاجه طبيعيه بعد ثورة .. بعد تهميش وسحق  وتجريف لكل ماهو (( فيه الرمق ) زى مابيتقال ... هتكلم فى كذا نقطه وبسرعه

* انا موافق على المرسوم اللى هيخرج بتجريم بعض حالات التجمهر والاعتصام  وشايف انه كان لازم يخرج للنور قبل كدا بشوية ودا لانى مقتنع تماما بان فى شىء بيدبر او هو مدبر بالفعل وموافق ومقتنع بالثورة المضاده وان كنت  شايف انها مش منظمة وانها    محاولة للبقاء _ بقاء المفسدين اللى بيحافظوا على اى شىء يبقيهم بعيدا عن المساءلة _  .. غير كدا  اعتقد برضه ان استقرار مصر وده  هدفنا كلنا انما لازم فرصه للحكومة  .. فرصه تسمحلها بتنفيذ خطوات محدده علشان نقدر نعدى الفتره دى باقل الخساير وشخصيا انا واثق تمام الثقه فى الدكتور عصام شرف وفى حكومته ..

* واضح ان الشعب المصرى بحكم انه شعب طيب .. يوم ما قام بثورة عمل ثورة طيبه ويوم ما انتقل الحكم للمجلس العسكرى اللى هو كمان طيب  شايف انه بيتعامل مع بعض الملفات بنفس الطيبه ......  برغم انه مش وقت الطيبه خالص مع بعض رؤس الفساد رموز وكسور واس الفساد والخراب اللى  كنا عايشين فيه .......  شخصيات ريحتها طالعه _ فتحى سرور - على الدين هلال اللى محدش بيجيب  سيرته - صفوت الغير شريف - زكريا عزمى - مفيد شهاب  ترزى قوانين ال مبارك وغيرهم  وغيرهم ... الناس دى لازم يطبق عليهم قانون الطوارىء فورا ... الناس دى كانت بتحكمنا بلا قانون ولا دستور ولا شرع يبقى من الاولى اننا نحاكمهم  بنفس اسلوبهم يعنى مش لازم يتمسك عليهم ورق ولا تقارير .. الناس دى ريحة الفساد  سابقهم فى كل مكان .

*  شباب الثورة واللى لاااااازم يكونوا ممثلين وبقوة فى  مجلس الشعب القادم ... لازم ينزلوا الشارع وخصوصا فى القرى وارياف مصر .. اغلبية الشعب المصر واغلبية الاصوات ... لازم يكون التواجد بكثره لاننا لو فضلنا فى القاهره ونتكلم كلام كبير - كلام ناس مثقفه وبتاع - مش هنقدم ولا هناخر لان الطبقه الفقيره من ابناء مصر اللى موجوده فى الارياف هى القوة الضاربه فى اى انتخابات وحدش يقول مفيش وقت ولا فرصه ... لا فى وقت وفى فرصه كبيره  بس نتحرك ونتفق ونتحد .

*الاعلام دورة كبير جدا .. الاعلام المحترم طبعا واللى له رصيد من الثقه عند الناس ... تثقيف الناس فى الديموقراطيه وممارستها وتقبل واحترام الراى والراى لاخر .. دى مهمه مش سهله  واعتقد انها لازم تكون فى اولويات الاعلام الفتره الجايه ..

* كفااااااايه بقى جروبات وصفحات على الفيس بوك - حد يقفل الماسوره دى يا اخوانا ... مش كدا 
واخيرا . وطى صوت التليفزيون واسمعنا من التليفون 

10 اللى شرفونا بتعليقهم:

رحاب صالح يقول...

معاك حق فعلا
وعلي فكرة الرسمتين بجد ما شاء الله معبرين جدا جدا عن حالة الدول العربية يا تري الجاي مين ...؟
نظام الدول العربة للأسف نظام متشابه في الدكتاتورية
ماسورة لاء ....وانفجرت....وجروبات وانفجرت ...ومش عارفين يا تري هنوصل لفين ....
بتمني بجد لو اننا مش كنا شعب بالطيبة دي ...احنا شعب طيب زيادةعن اللازم
بتمني بجد اننا نخرج من الازمة دي علي خير ونق
در نستغل الثورة في تنمية البلد وتغيرها للأحسن

حمدى جعوان يقول...

ان شاء الله يارحاب الجاى احسن والشعوب هى اللى هتقول كلمتها وفى الاول والاخر الشعب يستحق حاكمه


شكرا لوجودك فى المدونه

زينة زيدان يقول...

حمدي

رائع جدا ما أبدعت

رسومات معبرة عن الواقع

يشرفني معرفتك

وكلماتك تحمل المنطق في كننها

الحرب اليوم لا تحتاج للبارود والسلاح

يكفينا فقط شاشة وماوس وكيبور

تحيتي

daloo3a يقول...

حبيت الرسمتيين وايد ^^
طلعت ترسم و انا ماعرف
موفق ان شاء الله



و ان شاء الله كلها فتره و يعدي كللل شي

و الله يحفظكم ^^

هنعيشها صح يقول...

الرسم مية مية وانت عارف كدا من زمان :)


وفعلا احنا شعب طيب وكل شويه نقول كفاية


بس بجد لسه مش كفاية عايزين البلد فعلا تنضفمن شهاب اللى مش شهاب وشريف اللى مش شريف وسرور اللى حزن الشعب ...ايه دا مليتوا البلد

حمدى جعوان يقول...

زينة __ زى ماقولتلك قبل كدا تعليقك دايما بشوف انه كتير على الموضوع الاساسى متشكرجدا لوجودك



دلوعه ___ ازيك؟؟ انا برسم من زماااااااااااان ومتشكر جدالتعليقك



دكتورة اسما __ نورتييينى بجد وان شاء الله الجاى احسن بس ما تغيبى علينا

شمس النهار يقول...

الرسمتين ماشاء الله حلوين وقطار الحرية عجبني جدا

بالنسبة لقانون تجريم الوقفات مش واضح اصلا علشان اوافق عليه او لا

يعني لو ناس واقفه ساكته رافعة لوحة بمطالبها لاتعطل المرور ولا العمل وضعهم ايه
وعلي فكرة انا ضد الوقفات الفئوية المعطله للعمل

اما موضوع الطيبه دي مش طيبه ده في شئ غريب كان بيحصل
مبارك متنحي من 11 فبراير كان لازم الرتم يبقا اسرع من كده وخصوصا ان اغلب الملفات جاهز
مع العلم ان اصلا النائب العام ده كروت اكتر من قضية ايام اللامبارك

ومعاك ان شباب الثورة لازم كل واحد يركز في دائرته ويعرف الناس بيه والناس تبتدي تركز وتفتش وتتحري عن اي شاب ماهو مش كل اللي كان في التحرير من الثورة كان فعلا في ناس مدسوسين تعرف بنعمل ايه

ربنا يحمي مصر

حمدى جعوان يقول...

اولا بشكرك شمس النهار على وجودك فى مدونتى المتواضعه ومتشكر على اعجابك بالرسمتين

اولا واخيرا احنا متفقين على اننا فى مرحله صعبه ومحتاجين فعلا الامور تمشى شوية وعلشا كدا انا شايف ان القانون ده ومن خلال فهمى له من متابعتى للبرامج ولكلمة وزير العدل انه بيجرم فقط الوقفات اللى بتضر بالعمل وتوقفه وتعطل المرور وتعطل المواطنين من ممارسة اعمالهم وحياتهم الطبيعيه واظن كلنا متفقين على كدا
انما اى وقفه او مظاهره بتطال ببحقوق مشروعه ومن غير ما تعطل حد اعتقد ان كلنا معاها واكيد هنكون واقفين فيها كمان
هى كلها اجتهادات فى حب مصر وزى ماقولت انا واحد واثق جدا فى الدكتور عصام شرف واحسبة واحد مننا فعلا .

وبجد فى حاجات الامور فيها بطيئه اوى زى محكامة رموز الفساد واللامبارك زى ما قولت الناس دى كانت بتحاكمنا بلاقانون يبقى من الاولى انه مش لازم لا وثائق ولا مستندات .. الناس دى تتحاكم غمييييضى ..

شكرا جزيلاوتحيا مصر

Unknown يقول...

السلام عليكم ورحمة الله وبركاته
فعلاً الشعب المصرى طيب وهذه الطيبة ليست بالمعنى المتداول عند البعض المرادف ( للعبط) بل هى طيبة نبل وأخلاقيات سامية وتراث حضارى على مدى آلاف السنين ...وهذا الشعب الراقى يصبر ويتحمل بنبل أخلاقه لكن عندما ينفذ صبره يثور وجميعاً شاهدنا وعايشنا ثورته....

تقبل أخى مرورى وتقديرى واحترامى
بارك الله فيك واعزك

فشكووول يقول...

السلام عليكم
تحياتى
اهلا بيك حمدى بك فى فشكول

اللى حصل فى استاد القاهره شيئ همجى لا يفعله اهمج الشعوب .. بيقولوا ان التوأم هما سبب المشكله ..
نحن براء من هؤلاء جميعا فالشعب التونسى من احب الشعوب للشعب المصرى وهم ايضا يحبون الشعب المصرى .. انا معك اقدم اعتذارى
تحياتى

 
Design by Free WordPress Themes | Bloggerized by Lasantha - Premium Blogger Themes | Grants For Single Moms | تعريب وتطوير : باســـم .