6 دعوه لمقاطعة مفسدى الذوق

لا اعتقد ان إفساد الذوق العام اقل من الافساد السياسى  .... افساد الذوق العام للشعب سواء كان فى اغنية فى فيلم فى مسرح فى افساد منظر عام او منظر جمالى ...
كل ده بيندرج تحت افساد الذوق العام للمجتمع ككل... 
متهيالى بعد ثورة عظيمه زى اللى حصلت مينفعش اننا نسمح للسفهاااء ومفسدى الذوق انهم  يتواجدوا مابينا ... ولا نسمح لمحترفى ترويج اللحم الرخيص من خلال شاشات السينما والتليفزيون ومروجى الفن الهابط والاسفاف بالوجود على الشاشات على الاطلاق ويكفى ما أفسدوه ...


حاله من الارف والاشمئزاز ( والله العظيم )  بتجيلى كل ما اشوف اعلان لفيلم او لاغنيه فى التليفزيون من عينة افلام السبكى واللى اخيرااا ناوى يغزو دور العرض بفيلمه اللى  بيتعمله اعلانات دلوقتى فى التليفزيون ....  كنت متخيل ان الناس دى بعد الثورة هيتكسفوا على دمهم  ويهدوا شوية على شعب محتاج فى الوقت ده لفن راقى يعيد للانسان المصرى كرامته وادميته .. مش مجرد اغنية هابطه على مطرب ( مع تحفظى على كلمة مطرب ) شعبى على رقاصه  بالاضافه لشوية الايحاءات والكلمات الجنسيه ( الفاجره ) ...
الفن جزء اساسى فى حياتنا وف تشكيل ثقافتنا ... ولان النظام اللى فات كان عاوز يمحو اى اثر لاى نوع من انواع الثقافه المحترمه عند الشعب .. كان هو  الراعى الاول لكل الاسفاف والفن الهابط اللى كان حوالينا فى كل مكان ...
وطبعااا انا مش ضد الحرية  ولكن انا بعتبر ان ذوق الناس مسالة امن قومى مايقلش اهميه عن الدفاع عن حدودنا .. ولا زم الفن يقوم برسالته الحقيقه فى التوعيه وبناء ثقافه محترمه تقوم عليها حضارة .. مش فن يودى فى ستين داهيه ..


علشان كدا انا بتمنى اننا كلنا نقاطع الاعمال دى والمقاطعه مش مجرد انى مااروحش اشو ف الفيلم ولا اسمع الاغنيه دى .. لا  لازم يكون فى توعيه للناس وكفايه بقى ..يدوب نلحق الجزء الصغير النضيف اللى جوا الشعب ونقدمله فن راقى يرجعه انسان ...


يمكن يكون الكلام مش مرتب ولا منمق بس والله طالع من قلبى .. ونفسى اعمل قايمه سوداا بكل اللى بيسموا نفسهم فنانين وهما مجرد مفسدين لذوق الشعب ...

6 اللى شرفونا بتعليقهم:

دعاء العطار يقول...

متفقه معاك جداااً يااستاذ حمدى

وكنت بقول ان فعلاً الاعمال الهابطه دى هتختفى اكيد بعد الثوره او هما اللى هيتكسفوا ع دمهم وهيعرفوا ان مكانهم مايقاش موجود

لكن للاسف الواضح انهم مابيتكسفوش .. فعلاً افساد الذوق العام لا يقل اهميه عن حماية الحدود

لان الشعب اللى فنه هيبقى هابط للدرجه دى هو شعب لا يستطع حماية حدوده

حمدى جعوان يقول...

اه والله يا دعاء واحسن حاجه ان فى حمله جامده جدااا لمقاطعة الحاجات دى ... خلاص الناس مبقتش تسكت على الغلط حتى لو لسه فى شريحه لسه عايشه فى الغيبوبه

شركة نقل اثاث بالرياض يقول...

الف شكر ع الموضوع

Yosra .un4web يقول...


thank you

شركة نقل عفش بالرياض


Yosra .un4web يقول...


اخبار سيارات
سعودي اوتو

Blogger يقول...

eToro صفقات التداول المفتوحة في 227,585,248

تداول من أي مكان وقتك ثمين. تداول من خلال الكمبيوتر أو الجوال أو الكمبيوتر اللوحي

 
Design by Free WordPress Themes | Bloggerized by Lasantha - Premium Blogger Themes | Grants For Single Moms | تعريب وتطوير : باســـم .