13 عودة جديدة

بسم الله الرحمن الرحيم

السلااااااااام عليكم ورحمة الله وبركاته
وحشاني جداا والله يا مدونتي العزيزة وآسف على التاخير

وصباح الخير لكل اللى هيقرا كلامي الصبح ومساء الخير للى هيقراه فى الليل (( دى كانت دايما بداية كلام ستي لما كنا نيجي نسجل شريط لحد مسافر او نبعتله جواب :)  )) 
المهم انه بعد غيبة طويلة عن المدونة او عن اى مشاركة - اليكترونية - مبسوط انه جت فرصة واكتب تاني بس مش مهم هكتب ايه ..
اولا بسلم على كل اللى سال عني متشكر ليكم جداا  وان شاء الله تكون بداية تانية للعودة لاحضان بلوجر.

ثانيا احب اعرفكم ان الفتره اللى فاتت دى حصلت في حياتي بعض الانقلابات الكلية والفعلية وكل حاجه اخرها  اية ...
اهمها انى اتجوزت ( كلمة غريبة شوية )  الكلام ده بتاريخ 2/6/2012   ( يوم الحكم على مبارك ) يعني بقالي اربع شهور وشوية
.. واظن ان الخبر ده كفيل _ بلاش كلمة كفيل _  ... نقول انه يكفي بأني انشغل تماما عن اى حاجه كنت بعملها سابقا حتى لو لفتره ..
الحمد لله اتجوزت الانسانه اللى حبيتها واخترتها وربنا يخليهالي ...
وحاليا انا في انتظار اني اكون  سفن اب ( دى بقى اكتر حاجه مستغربها ) وده بعد كام شهر .. ..دعواتكم بقى يكون او تكون ذرية صالحة . آمين يارب
 طبعا فى حاجات تانيه حصلت كتير بس الخبرين دول كفاية جدااااااا حاليا ودى كانت عنوين الاخبار وان شاء الله  تكون عودة جديدة وقوية الى عالم البلوجر
بعد اذنكم رايح اجيب حاجه للغدا
( اسوأ سؤال فى الدنيا .... هنعمل ايه على الغدا )

13 اللى شرفونا بتعليقهم:

شمس النهار يقول...

اااولا حمد الله علي السلامة
بلوجر نور
ثااااااانيا
الف مليون مبروك علي الجواز
ثالثاااااااااا
الف مليون مبروك علي انك بقيت بابا تحت التمرين
عقبال ماتبقا بابا رسمي :))))
ربنا يسعدك ويرزقك الذرية الصالحة يارب

زينة زيدان يقول...

ألف مبروك لك الحياة الجديدة السعيدة
أتمنى لك طيب العيش
و صلاح الذرية


احترامي لك و تحيتي

حمدى جعوان يقول...

شمس النهار
الله يسلمك ويبارك فيكي
ومتشكر لسؤالك جداااااا
وان شاء الله اكون موجود باستمرار


حمدى جعوان يقول...

زينة

الله يبارك فيكي يا زينة ويعزك يارب

ومتشكر على سؤالك عني وبتنمالك كل الخير يارب

غير معرف يقول...

حمد لله على السلامة يا حمدى والف مبروك معلش مكنتش اعرف

ربنا يكرمك يارب

هبة فاروق يقول...

الف مبروك واتمنى لك حياه سعيده فى حياتك الجديده وحمد الله على السلامه

ميمى يقول...

شكراً على المدونة الرائعة والمتألقة دائماً
ودائماً في تقدم وازدهار باذن الله
مشكووووووووووووووووووووور

غير معرف يقول...


عصابة النووى

نشرت جريـدة المصرى اليوم فى 17 يوليو 2013 قال أحمد إمام، وزير الكهرباء والطاقة فى تصريحات صحفية، بعد إبلاغه بالاستمرار فى منصبه ضمن حكومة الببلاوى، إن البرنامج النووى لتوليد الكهرباء، سيكون أحد أهم محاور قطاع الكهرباء فى الفترة المقبلة.وأضاف:"لدينا برنامج جيد يستهدف إقامة 4 محطات نووية لإنتاج الطاقة،..

الخبر واضح منه أن عصابة النووى مش ناويين يجبوها البر و كل ما يجئ رئيس يروحوا له لأقناعه بشراء مفاعلات نووية . لماذا نشترى مفاعل نووى تزيد تكلفته على 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط؟!!!

بالرغم من كوارث المفاعلات النووية و أشهرها تشرنوبيل "أوكرانيا"عام 1986 و فوكوشيما "اليابان" عام 2011 مازال هناك فى مصر من المسئولين من يصر على أستغفال و أستحمار الشعب المصرى ، و يسعى جاهدا لأنشاء مفاعلات نووية لتوليد الكهرباء!!!!

و أصبح واضحا كالشمس أن هناك عصابة منذ عهد حسنى مبارك مرورا بعهد محمد مرسى و حتى الأن تسعى جاهدة منذ سنوات لشراء مفاعلات نووية لمصر و لا يهم و لكنها صفقة العمر لأفراد العصابة من حيث عمولات بمثات الملايين من الدولارات يستطيعوا بها أن يعيشوا هم و عائلاتهم كالملوك فى أى بلد يختاروه فى العالم أما عواقب المفاعلات النووية التى سيكتوى بنارها المصريين فهذا أخر شئ يهم فاقدى الشرف والذمة و الضمير ...

و نحن فى مصرنا نكتب منذ عام 2007 محذرين من مخاطر النووى و منبهين إلى البديل الأكثر أمانا و الأرخص

ثقافة الهزيمة .. النووى كمان و كمان
ثقافة الهزيمة .. العتبة الخضراء
ثقافة الهزيمة .. أرجوك لا تعطنى هذا السرطان

مزيـــد من التفاصيل و قراءة المقالات بالرابط التالى

www.ouregypt.us

غير معرف يقول...

الف الف الف مبروك ياعمووووووووووووووو يارب يسعدك يارب وان شاء الله هتكون اب محترم وقدوه حلوه لاولادك ومراتك ربنا يباركلك فيهم يارب يارب تكون لسه فاكرنى انا اسماء ربنا يتمملك كل حياتك زى ماانت عاوز

الواحات للسياحه يقول...

مبرروووك :)

Unknown يقول...


thx

شركه تنظيف

سعودي اوتو يقول...


اخبار سيارات

سعودي اوتو

شركة تنظيف يقول...


thx

شركة نقل عفش بالرياض


 
Design by Free WordPress Themes | Bloggerized by Lasantha - Premium Blogger Themes | Grants For Single Moms | تعريب وتطوير : باســـم .