4 يوم المحاميين


انهارده والحمد لله تقرر فتح باب الترشيح لمنصب نقيب واعضاء مجلس النقابه العامه للمحامين لمدة حداشر يوم تبدا من السبت 22 /11 . الخبر اسعدنى جدااااا بصراحه لاى كنت خايف اوى اوى ان نقابة المحاميين اللى اساسا بنعتبرها قلعة الحرية والدفاع عن الحريات تنضم لباقى النقابات الموضوعة تحت الحراسه " تدخل التلاجه يعنى " وخوفى طبعا ياجماعه كان زيادة اكتر بإعتبارى محامى وبنتمى للقلعه دى ويشرفنى انى أحمل كارنية النقابه.
الخبر اسعدنى وبعتبره نتيجة واضحه اوى للاعتصام اللى اتعمل واللى دعا الية سامح عاشور نقيب المحاميين واكد ان لايضيع حق وراءه مطالب وان مفيش حق بيتاخد فى لابلدى الا بالقوة وبلوى الدراع. ده تحليلى للموقف ولسرعة فتح باب الترشيح لانى بعتقد ان لو مكنش اتعمل الاعتصام الدولة مكنتش هتسال فى المحاميين ولا كمان عشرتاشر سنه ويتم تحميد النقابة بقى زى باقى النقابات المعطله زى المهندسين والتجاريين وكل النقابات دى . ودى طبعا نهج وسياسه ماشى عليها الحزب الوطنى وحكوماته المتتاليه اللى همها الاكبر هو تهيش النقابات وتفريق اى جماعه لان نقابة حره يعنى مطالبه بالحقوق مطالبه بالحقوق يعنى وجع دماغ . يعنى مفيش تقليب ... وكده يعنى
بتمنى بتمنى من كل النقابات المعطله يكون ليهم وقفه قوية وياخدوا من نقابة المحاميين مثل " فى اعتقادى " لان بدون الوقفه دى عمر النقابات ما هتقوم بدورها ولا هيكون ليها صوت وبالتالى مفيش قومة للبلد كلهاااا..

4 اللى شرفونا بتعليقهم:

غير معرف يقول...

مبروك على الانتخابات بتاعة نقابة المحاميين وعقبال باقى النقابات
ادعولى اخلص بس وانا اعمل اعتصام كبير وارجع نقابة المهندسين (مع انى مش عارفة هى فين)

حمدى جعوان يقول...

يلا يارب تخلصى .. وتعملى الاعتصام بس تعرفينا علشان نشارك ....هى صحيح نقابة المهندسين فين؟؟

غير معرف يقول...

اكيد طبعا هقولكوا قبلها عشان مروحش فى داهية لوحدى
بس الاول ندور عليها ونعرف هى فين

حمدى جعوان يقول...

هنلاقيها .. هنلاقيها

 
Design by Free WordPress Themes | Bloggerized by Lasantha - Premium Blogger Themes | Grants For Single Moms | تعريب وتطوير : باســـم .