كانت له قصص وحكايات مع المعتقلات التى ربما لازمها اكثر من بيته ...
اجبره العمر ( وجهاز امن الدوله ) على اخذ هدنه طويله مع النظام ... هو كمثل كثيرا من المصريين ارهقته ضغوط الحياة واوجعته مرارة الظلم وامرضه حتى هواء المدينه ..
اليوم هو 24 يناير 2011 .. كان قد سمع من خلال بعض الاصدقاء انه في يوم 25 يناير ستخرج مظاهره مطالبة بالحقوق المشروعه للمصريين ولكنه لم يبالى وقال لفنسه فى حوار باهت .. مفيش حد هينزل الشارع ولو حد نزل هيكون الناس اللى بتنزل كل مره وهيقولو الكلمتين ويروحوا
اقنع نفسه بما قال ... رجع الى بيته وبالرغم من انه فى حالة هدنه مع النظام الا انه لم يكف عن شراء تلك الجريده التى لا تدخل فى هدنه ابدا مع النظام وفى جلسة فى احد اركان البيت بدا فى قراءة الاعمده المفضله وبعض اخبار الشعب المقهور .. ولانه مصرى اصيل ولان له مع النظام حكايات فلم يبخل عليه النظام بالمرض .. فقد كان يعالج من السكر والضغط..
لا يستطع ان يمنع نفسه من قراءة اخر اخبار فساد الحاشية وابن الرئيس .... انهمر فى القراءه ... اكثر واكثر
حتى وقع على الارض مغشيا عليه ودخل فى غيبوبة السكر .......
اليوم هو الثلاثلاء 13/4/2011
بدا على وجوه الجميع علامات الحزن والترقب لقد قاربوا على الثلاث اشهر وهو فى غيبوبته ...
واخيرا .. فتح عينيه ... اخذ يحملق فى وجوه من حوله وبصوت مجروح ... انا فين ..
- حمد الله على سلامتك يا ابو احمد انت فى المستشفى بس الحمد لله ربنا قومك لينا بالسلامه
- فين الجرنال
- جورنال ايه بس دلوقتى ..؟
- بيقولوا فى مظاهره بكره عاوز اعرف اخبارها ..
- يا ابو احمد دا فات تلات شهور على الموضوع ده .. وحصلت حاجات كتيييييير
- تلات شهور .!!!!! حاجات ..؟؟!! حاجات ايه ؟
لم تكتمل كلمات المرافق حتى ظهر على شاشة التليفزيون الخبر العاجل والذى انتبة اليه بكل حواسه
خبر عاجل : قرر النائب العام حبس الرئيس السابق حسنى مبارك 15 يوما على ذمة التحقيقات .!!!!!
صمت ..... ذهول .... توهان ...
اغشى عليه ... دخل فى غيبوبة اخرى .
17 اللى شرفونا بتعليقهم:
فكرتها حلوه أوى ياأستاذ حمدى
فعلاً أنا لومكانه وغبت عن الوعى 3 شهور وفوقت وقالولى ان ده كله حصله ... مش هصدق أبداص الا لو عايشتها وشوفت بعينى
غير كده ممكن أتجنن
لأن اللى حصل فوق كل منطق وعقل
فى 3 شهور ... سقط نظام بأكمللللله من فساد وظلم وجبروت
والغريب ان المصريين هما اللى المصريين لا جالهم فارس مغوار .. ولا هبطت عليهم ملايكه وخلصتهم من الحكم
شىء فوق مخيلات البشر
ماتغيبش علينا بأفكارك
دمت بكل خير يارب
(: (:
والله يا دعاء انا قعدت مع نفسى وفضلت اتخيل انا لو دا حصل معايا فعلا وموصلتش لرد فعل معين :)
بس اكيد الجنون دا حاجه قليله ساعتها
الفكره عاوز اعملها من فتره بس دماغى ملخبطه شوية وكنت عاوزها تطلع احسن من كدا بس يلا بقى الثورة الجايه :)
شكرا دعاء
الصراحه يعني حلو
بس مافهمت شو السالفه خخخخخ
موفق ان شاء الله ^^
حالة الذهول صاحبتنا جميعا تحياتي لك
فكرة فعلا جميلة اووي
بس لما تأملتها ...ـاملتها كثيرا وسرحت في معانيها المختبئة خلف كل حرف
وانا افكر ....
وافكر
ولا أريد الافصاح عما فكرت به
لعل هذا أفضل
تحياتي يا ابن بلدي ...
دلوعه كيف حالك .. شخبارج .؟
الموضوع وايد كبير
شكرا لمرورك
كريمة سندى
---------
اشكر مرورك واسعدتنى زيارتك الاولى واتمنى ان تتكرر
رحاب
-----
ايه جو الغموض دا بقى يارحاب ؟
لا قولى سرحتى فى ايه وفكرتى فى ايه ..
يعنى حتى من باب انك استاذه رحاب واكيد هنتعلم من افكارك
تحياتى ليكى يابنت بلدى
الله يرحمه بقى
جميلة استاذ حمدى
تحياتى
قصدت ان في بعض الاشخاص بيغيبوا تماما عن الواقع وبيقفوا عندد حد معين او وقت معين...
ده غير اللي اصلا عايشين مغيبين عن الواقع بتوافه الامور
فهمت كدة والا الكلام غامض لسة....؟
انا مش بتفلسف علي فكرة
بس شوف كمية الناس المغيبة عن الواقع
او الناس اللي بتنام ومبفكرش ف الي بيحصل
كدة يعني
فهمتكم فهمتكم
:)
وضحت الفكره يا رحاب ومتفق معاكى تماما
الشعب المصرى كله كان فى غيبوبة حتى اللى صاحيين كانوا( بيتغوببوا)
بس الحمد لله وان كانت طولت شويتين بس قمنا على فوقان ساحق ماحق
شكرا جزيلا
شكرا شكرا يا شاعر
انت اجمل
صباح الغاردينيا حمدي
تصوير رائع بقلمك وفكرك حقاً هي أشبه بـ غيبوبة "
؛؛
؛
لروحك عبق الغاردينيا
reemaas
صباح الغاردينيا ريماس
اشكرك واشكر مرورك .. تاكدى ان كلماتك هذه هى شهاده اتشرف بها
لروحك عبق الغاردينيا
عن لو شخص دخل في غيبوبة وصحي فجأة وشاف الخبر هذا مش راح يدخل في غيبوبة يمكن تيجيله سكتة قلبية من الفرحة وعدم التصديق ..
عموما قصة لخصت مشاعر مكنونة بداخل البعض منا غير المصدقين لحتى الان لما حدث ..
سعيدة بمروري وتعليقي .
دمت بخير.
صديقي حمدي
شيءٌ جميل أن تستيقظ على فجرِ جديد
في قصتك غيبويتان الاولى من شدة الاسى والشعور بالظلم والعجز المترافقان
والثانية من شدة الاستغراب والاستهجان
فالكل كان مستهتر بالشاب العربي ويستبعد جدا أن يحرر ذاته وفكره وينتقل من القول ألى الفعل
الجميع كان يستبعد الوصول لمرحلة الفعل
ويرى انه لو وصل العربي لمرحلة القول الساخن فهو انجاز عظيم..
أتمنى ان تستوفي أحداث قصتك ذات الابعاد
الخفية والرمزية .. وتخبرنا بما حدث لصديقنا عندما يفيق مرة أخرى
أتمنى ان يفيق على خبر استقرار وأمن و
دولة ذات سيادة حكيمة في جميع وطننا العربي العظيم...
تحيتي
أخى الفاضل: حمدى
أحييك على هذا الطرح ....
أعتقد أن هناك الكثيرين كانوا يعيشون فى غيبوبة ثلاثين عاماً ولكن الثورة أخرجتهم عن هذه الغيبوبة....
تقبل تقديرى واحترامى
بارك الله فيك وأعزك
إرسال تعليق