15 ياعزيزى .... كلنا فلول ...!!



فى البداية وان كنت متفق مع من يقول بان هناك قوة مضادة للثورة ولإحداث تغيير جذرى فى المجتمع .. الا اننى لا اوااافق   مطلقا فى ان كل مايحدث فى مصر من حوادث ومظاهر تمييز وماشابه هى من صنع تلك القوى ..
الشعب بالكامل مدان ..نعم الشعب المصرى بالكامل مدان ولا نتعجب ابدا فى ذلك  .. ولننظر الى انفسنا وسنتيقن من ذلك 
نعم عزيزى المواطن .. كلنا فلول .. كلنا فلول للنظام السابق  ... اعلم اننا فى مرحلة انتقاليه مرحلة مخاض .. مرحلة مابين الطفولة والمراهقه ( كما وصفها الاستاذ ابراهيم عيسى ) وهى حقا كذلك . ولكن اليس من المعقول ونحن من فجر وصنع ثورة ستكتب فى التاريخ بحروف من نور ان نقوم بثورة على انفسنا فى المقام الاول ونتخلص من كل الشوائب وكل المتناقضات التى زرعها فينا نظام المخلوع حسنى مبارك .
لغة التخوين التى كنا نُرمى بها فى عهد المخلوع اذا نادينا بالاصلاح وقامت الثورة من اجل انهاءها   الان نمارسها وبأسوا مما كان يستخدمها النظام ... 
لغة الاقصاء التى برعت فيها اجهزة امن المخلوع والتى قامت الثورة لمحوها .. الان هناك من يخلق الرعب فى قلوب البسطاء من فصيل معين املا فى اقصاءه .
الفتنه الطائفيه .. والتى صنعها ورعاها نظام المخلوع وتلاعب بعنصرى الامه كما يشاء والتى قامت الثورة من اجل المساواة فى كل شىء وتجلت كل صور المساواة فى ميدان التحرير ايام الثورة ( واقول ايام الثورة لاننى اعتبر ان ايام الثورة هى فعلا ايم ميدان التحرير  بحق )  الان يوجد بالفعل احتقان وفتنه لا احد  يعلم الى اين ستذهب  الا الله .
الاعلام ..... ارى ان ثورتنا هى ثورة اعلام فى المقام الاول...  فان شرارة قيام الثورة والمحرك الرئيسى لها كانت وسيله من وسائل الاعلام .. وليس هناك شخص يستطيع ان ينكر دور الاعلام فى تطور الاوضاع فى المنطقه بالكامل  .. واعتقد ان برامج التوك شو كان لها تاثير كبير فى المجتمع من حيث التثقيف سياسيا الى حد ما  وساعدت بشكل كبير فى خروج الناس للمطالبة بحقوقها  . وبعد الثورة كنت اتمنى وارجو ان يكون الاعلام هو المحرك الرئيسى لعملية بناء مصر ولكن للاسف بعد الثورة الاعلام اصبح ساحه للكلام والكلام وفقط (  اسقطنا النظام واقمنا دولة الكلام ) وساحه ايضا للتشكيك فى كل من يحاول ان يصنع شىء حتى وان كان  فى صالح الوطن ... واستضافة كل من يقول انا معترض .. معترض وفقط والاشاره لاحداث من الممكن ان نتجاهلها بغية الصالح العام ...


وفوق كل هذا المواطن المصرى الذى ثار ولم يهدا واصبحت حقوقة وان لم يأخذها فى الحال فانه مضرب ومعتصم ومتظاهر بالرغم من انه كان غارقا فى بحر الصبر والان لا يطيق قطرة صبر  ولاكل يقول انا لست فئويا .... ومن يخرب فهو فلول 
لا ياعزيزى المواطن اسمحلى ان اهمس فى اذنيك مستخدما مضخم الصوت ....... عزيزى المواطن .... للاسف كلنا فلول.


هذه الكلما ت ليست من شخص متشائم .. لا والله .. ولكنها تذكرة لنا جميعا وهمسه لنا جميعا باننا مسؤولون  عن النهوض سريعا بمصر فى هذه المرحله الصعبه ...وعلينا جميعا ان نقوم بواجبنا حتى ولو بتوعية البسطاء من اهالينا وجيراننا وكل من نعرف بان القادم افضل ولكن بشىء من الصبر  




* اقتراح وهو بما ان كل واحد دلوقتى بيعمله ائتلاف .. وبما ان دولتنا دلوقتى بقت دولة كلام ف انا بقترح اننا نعمل ائتلاف كلامنجية الثورة ونضم ليه كل اللى صدعونا الايام اللى فاتت على الفضائيات . واقترحوا انتوا بقى الاسماء اللى تنضم للائتلاف ده 


-------------------------------------------------------------------
بعيدا عن الكلام اللى فوق بقى  
فى شوية كلام استحدثوا من خلال الكلامنجيه  وصراحه  مخنوق منهم على الاخر ومعتش عاوز اسمعهم 
فلول النظام -- النظام البائد -- الثورة المضاده --  فزاعه -- ثورة الشباب -- ائتلاف  --
دول اللى فاكرهم دلوقتى

15 اللى شرفونا بتعليقهم:

علاء ترك يقول...

اخى العزيز حمدى
اؤيدك تماما فيماتقول وهو تحليل جيد جدا لفترة مابعد الثورة سلبيات طفت على السطح ينبغى محاربتها وهذا ماكنا نقوله حتى ايام مبارك الكثير من المعارضين يعانون الخواء الفكرى والروحى وليس لديهم رؤى للمستقبل اعتادوا الصريخ والعويل دون امتلاك استراتيجية للعمل والاعلام لايزال يعج بالفسدة المغنواتية بائعى الكلام كما وصفتهم واقسم بالله انى اصابنى الضجر والقرف والاشمئزاز من هذه المصطلحات مثلك تماما

لورنس العرب يقول...

الحمد لله اني لقيت حد بيقول الكلام اللي انا بقوله
كل لما واحد يتكلم يفضل يقولك فلول ثورة فلول ثوره لغاية ما الواحد اتخنق
ونفس اللي كنا بنشكي منه قبل الثوره أصبح الكثيرون يفعلوه بعد الثوره!!!

د/دودى يقول...

مقاله ممتعه لاقصى مدى ...كل ما تيجى حاجه تحصل فى البلد نقول لا دول مش مصريين ولا وطنيين ولا اى حاجه خالص و بتوك التوك شو يشتغلوا المولد و يقيموا السيرك بتاع كل يوم و لا عزاء للناس المحروق دمها ...

عايزه تعرفى مين المسئول عن اللى بيحصل فى البلد ده ؟؟؟ بصى بصه كده عالمقاله دى

http://suchasmallaffairs.blogspot.com/2011/05/blog-post_09.html

و اظننا لن نختلف على المتأمر ..

محمد الجرايحى يقول...

ليس لها من دون الله كاشف

بارك الله فيك أخى الكريم
تقبل تقديرى واحترامى

حمدى جعوان يقول...

علاء
____
صدبقى العزيز .. والله ياعلاء كلام طالع من قلبى ومرتبتش خالص قبل ما اكتب وكتبتة زى ماهو كدا وزى منا شايف بالظبط ... حتى اكيد اكيد نسيت حاجات كتير كان لازم اتكلم فيها بس يلا بقى المره الجايه

انا فعلا شايف ان حتى المعرضه بتاعتنا جزء من النظام فلو هنتكلم عن ازالة النظام يبقى لازم يكونوا اول الاشياء المزالة ...
اما الاعلام بقى دا موال تانى خالص عاوز يتنسف ويتبنى من جديد . والكلام اللى طلع الايام دى عاوزين نعمله قاموس خاص ايه رايك ؟

حمدى جعوان يقول...

لورنس العرب

---------
صديقى العزيز ... والله اللى بيقول الكلام ده كتير بس مفيش نفس تخلى الواحد يتكلم ولا يقول حاجه ... الوضع مش مريح اصلا
وطبعا دا يشرفنى لما الكلام اللى قولته يكون دا رايك برضه :)
شرفتنى جدا بمرورك

حمدى جعوان يقول...

د/دودى
------
يعنى لما تبداى تعليقك بوصفك لكلامى بانها مقالة ممتعه لاقصى حد .. اكيد اكيد دا شرف ليا والله خصوصا انها شهاده من د / دودى وما ادراك ما د/دودى :)

كنت رسمت كاريكاتير من فتره وبينت فيه ان الشماعه المتواجده فى السوق حاليا هى شماعة الثورة المضاده ... قبل الثورة كانت شماعات كتير منها القلة المندسه والماس الكهربائى والمختل عقليا
بس اتمنى الفوقان بسرعه بسرعه علشان كدا احنا بنلعب فى عداد عمر البلد ..
والاخوة بتوع التوك شو .. ( حلال عليهم اللى بتعمله فيهم دعاء سلطان على قناة التحرير ) :)

عاوز بقى اقولك على حاجه صغير ه
دا جزء من تعليقك
*عايزه تعرفى مين المسئول عن اللى بيحصل فى البلد ده ؟؟؟ بصى بصه كده عالمقاله دى*

انا اسمى حمدى :)
ومن خلال الاسم غيرى ما يلزم فى الجملة السابقه للاسم .... :)

على فكره انا دخلت على مدونتك وقرات البوست اللى انتى حطيتة الرابط بتاعه وعلقت كمان عندك وكان فعلا بوست اكثر من رائع وعجبنى جدااااا
شكرا لمرورك

حمدى جعوان يقول...

استاذ محمد
--------
اكيد اكيد كلنا امل فى ربنا انه يجعل لمصر مخرج من الازمة الحالية ويجنب البلد شر الفتن ان شاء الله

شكرا جزيلا استاذى ولك كل التحيه

دعاء العطار يقول...

الوعى

ثم الوعى

ثم الوعى

ثم الوعى

الناس عارفه ان قى ثوره حصلت .... بس مش كل الناس فاهمه ولا كل الناس قادره تحدد مصير مصر وتشارك فى بنائها

البسطاء فى مصر كتييييييييييير جداااااااااااً

اللى عمل الثوره مثقفين ... لكن فيه كتير مش عارفين يعنى ايه اساساً يدلوا بأصواتهم ويقولوا رأيهم ودول ممكن يكونوا فريسه لأى حد

معاك جدااااااااً ياأستاذ حمدى ونفسى بجد يبقى فيه عمل ميدانى وننزل الشارع وننشر الوعى بين الناس عشان نقدر نبنى مصر

......

النيولوك بتاع البلوج حلو أووووى (:

وعجبنى جداً الوصف بتاع المدونه

عايزين من الابداعات دى كتير (: (:

دعاء العطار يقول...

الوعى

ثم الوعى

ثم الوعى

ثم الوعى

الناس عارفه ان قى ثوره حصلت .... بس مش كل الناس فاهمه ولا كل الناس قادره تحدد مصير مصر وتشارك فى بنائها

البسطاء فى مصر كتييييييييييير جداااااااااااً

اللى عمل الثوره مثقفين ... لكن فيه كتير مش عارفين يعنى ايه اساساً يدلوا بأصواتهم ويقولوا رأيهم ودول ممكن يكونوا فريسه لأى حد

معاك جدااااااااً ياأستاذ حمدى ونفسى بجد يبقى فيه عمل ميدانى وننزل الشارع وننشر الوعى بين الناس عشان نقدر نبنى مصر

......

النيولوك بتاع البلوج حلو أووووى (:

وعجبنى جداً الوصف بتاع المدونه

عايزين من الابداعات دى كتير (: (:

دعاء العطار يقول...

الوعى

ثم الوعى

ثم الوعى

ثم الوعى

الناس عارفه ان قى ثوره حصلت .... بس مش كل الناس فاهمه ولا كل الناس قادره تحدد مصير مصر وتشارك فى بنائها

البسطاء فى مصر كتييييييييييير جداااااااااااً

اللى عمل الثوره مثقفين ... لكن فيه كتير مش عارفين يعنى ايه اساساً يدلوا بأصواتهم ويقولوا رأيهم ودول ممكن يكونوا فريسه لأى حد

معاك جدااااااااً ياأستاذ حمدى ونفسى بجد يبقى فيه عمل ميدانى وننزل الشارع وننشر الوعى بين الناس عشان نقدر نبنى مصر

......

النيولوك بتاع البلوج حلو أووووى (:

وعجبنى جداً الوصف بتاع المدونه

عايزين من الابداعات دى كتير (: (:

حمدى جعوان يقول...

داعاء
------

متفق معاكى والله فى موضوع الوعى
تخيلى ايه حاصل جمع الحرية + الجهل
اكيد هيساوى اللخبطه والانفلات اللى احنا عايشينه

كويس ان شكل المدونه عجبك انا اصلا متردد وانا بحط القالب دا :)

متشكر اوى يا دعاء على تشريفك للمدونه

كريمة سندي يقول...

مين مطلع اللغة الجديدة دي مش كفاية لغة الإنجليزي كمان لغة التخوين أما صحيح كلنا فوووووووووول أقصد فلووووووووول

بارك الله فيك

حمدى جعوان يقول...

يااااه ياكريمة دا فى مليون لغه من اختراع النظام السابق
على رايك كلنا فوووول وتميس :)

يلا ادينا بنعطيكى معلومات جديده اى خدمه

شركة تنظيف فلل بالرياض يقول...

"كل الشكر والامتنان على روعة بوحـك ..
وروعة مانــثرت .. وجمال طرحك ..
دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

لك خالص احترامي"

 
Design by Free WordPress Themes | Bloggerized by Lasantha - Premium Blogger Themes | Grants For Single Moms | تعريب وتطوير : باســـم .