2 مش عارف


فى البداية عاوز اسجل تعازيا لاسرة محمد بقولهم البقاء لله وطبعا انا زى اى انسان بزعل لما بشوف حالة وفاة وبزعل وبتاثر اوى بمشاهد الانكسار اللى بيمر بيها اهل المتوفى . لكن اللى مش راضى عنه هو كل اللى حصل او كل اللى صاحب موضوع الوفاة بصراحه مش عارف اسميه ايه .هل هو نفاق من الاعلام (كله ) ولا مش الاعلام بس من اجهزة الدوله كلها ولا هو فعلا الناس دى شايفه ان محمد (الله يرحمه ) كان شخصية تاريخيه او مقاتل مات فى ساحة القتال مدافع عن شرف الامه . او ممكن يكون مقاتل فى ساحة الدفاع عن كرامة المصريين او مناضل ضد الفاساد والمفسدين ..... والله انا مش عارف ليه جميع القنوات عملت حداد وفضلت طول اليوم قران وادعية (دى حاجه جميله طبعا وياريت كل فتره يعملوا كدا ) لكن ميتعملش كدا على طفل صغير لم نعهده بطلا ولا قائدا ولا عالما ولا اى حاجه علشان يتعملوا جنازه عسكرية وووو .....
طيب فين الوف الاطفال اللى بتموت يوميا من الامراض اللى اقل من اللى مات بيها وفين الو المصريين اللى بيموتوا يوميا على الطرق وفى العبارات و على شواطىء ايطاليا واليونان ...... لو هتتحسب صح هنعتبر ان مصر هتكون فى حداد طول عمرها .....

فى اليوم ده اعتبرت مصر بقت ظام ملكى ملكى يعنى .. وخلاص كدا ظهرت اوى ان الريس الجاى هو البشمهندس جمال ... شئنا ام ابينا ...

يلا يلا كله محصل بعضه

2 اللى شرفونا بتعليقهم:

غير معرف يقول...

انت مستغرب اوى كده ليه
يعنى اول مرة تعرف ان البلد مليانة نفاق

بس بعيد عن كل ده ربنا يرحم محمد هو ملهوش ذنب وكان طيب وكمان باباه كويس
يلا ربنا يصبرهم

غير معرف يقول...

بص انا والله استات كتير جدا من اللى بيحصل حداد فى كل مصر كان حسنى مبارك هو ملك مصر الناس تنافق ومحدش حاسس بالناس التعبانة محدش حاسس بالضحايا اللى انهال عليهم المقطم وفى الاخر ردموا فوقهم بالبلدوزارات ودفنوا بسمة الاطفال بردم الرمال فوق اهاليهم محدش عملهم اهتمام الاطفال اللى بيموتوا فى الشوارع بلاش نتكلم على اللى بيموتوا لانهم استريحوا الشعب اغلبان اللى بيبات من غير عشا واللى قاعد مش لاقى بيت يسكن فية وقاعدين على الارصفة فينك يحسنى من كل دول لو ان دابة تعثرت بالشام وانا هنا لسئلت لم لم تمهلدلها الطريق!!!! دابة واحنا بشر بنموت ونتبهدل وفى الاخر هقول حسبى الله ونعم الوكيل يحسنى هربتنا من بلدنا وخليتنا نتغرب عشان رزقنا ووطنا مليان بالخير المسروق لنا الله ياحسنى
شكرا يحمدى على المقالة الحلوة
اخوك على فانبرسى

 
Design by Free WordPress Themes | Bloggerized by Lasantha - Premium Blogger Themes | Grants For Single Moms | تعريب وتطوير : باســـم .